Rom Teeb 8:7 - Yennu Gbounpaauŋ Mɔɔr

⁷ Fi-i jii a yan ki gaan nisaarik loomm ni, a tee Yennu dataake, ki ki saak Yennu sennu, ki set kan fit ki sakiri.

Yennu Gbouŋ Mɔɔr

⁷ Fi-i jii a yan ki gaan nan nisaarik loomm, a tee Yennu dataake, ki ki saak Yennu sennu, ki set kan fit sakiri.

Rom Teeb 8:7 ပူးပေါင်းရင်းမြစ်များ

Matiu 12:34

Yimm walabirii booru na, ya tee nifobiit biaŋinba na, nlee ki barŋanii sa fit nyi i mɔi ni? kimaan linba ki nifosaarik dukii u par ni, ŋanne bia nyi u mɔb ni.

Matiu 5:19

Li paak, wunba tan tun ki kpet Yennu sennu maŋ yennkɔɔ gbaa, ki bia wann leeb bonkpetir maŋ, u tan sa joont tarike Yennu naan ni; ŋaan wunba waa sennu maŋ fanu, ki bia want u leeb fanu, ŋɔɔe tan sii tee nijaann Yennu naan ni.

Jɔɔnn 7:7

kimaan tingbouŋ na ŋaateeb ki namiini, ŋaan min ŋarin bi namin, kimaan ma beerib a bi sɔnii ki ŋan na paak.

Rom Teeb 1:28

Nifosaarii nba din ki loon ki bin bann Yennu, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 1:30

ki piak biir bi leeb, ki ki loon Yennu, ki sukii bi leeb ki mɔk garuk ki dont bi mɔŋ, ki bia ŋammii dukii dudukbiit sɔnii, ki ki tee bi naanba nan bi baanba nibaakir.

Rom Teeb 3:31

Tɔn, ta yet a nifosaarik laat tinnu u yada teenu nie na, ŋanne te ki sennu na tee yannii? Aaii, li ki tee nna kaa. Ti lek see sennu na poe.

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Rom Teeb 7:22

Yennu sennu nee te ki n par peen,

Rom Teeb 8:4

Yennue tun nna, a timm nba ki ti binbeŋ waa Yennu Seyeeŋ na ki li ki tee ti nisaarii loomm na, sa sak ki wei barmɔnii sɔnu, sennu nba wann biaŋinba.

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

1 Korint teeb 9:21

Binba ki waa sennu na, ki n jii n mɔŋ ki teen kaman nan bi yenɔ na, a bin tinn. Na ki wann nan n ki waa Yennu sennu na; n waa Masia sennu na.

Kolosa teeb 1:21

Sianyoo, i dudukbiit nan i toonbiit din te ki i tee Yennu dataie, ki fɔk nanɔ,

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

2 Timoti 3:4

bi tan sii nyi leeb poae, ki tee nikaatkaatdamm, ki dont bi mɔŋ; bi tan sii loon bi mɔŋ mɔŋ loomme ki gar Yennu,

Hiibru teeb 8:10

Min nba tee i Yomdaanɔ na beeri ma yaa n senn mɔlor ki tur Israel niib daa nba baat na ni: n ji sa tabin n sennii maŋ bi dudukit nie, ki sɔbir tabin bi para ni. Mine sii tee bi Yennu ki bi tee n niib.

Jeems 4:4

I nyik Yennuwa, ki waa bonliae. Li-i tee ki i tee tingbouŋ na yɔɔsinbaie, i tee Yennu dataie; I ki mi nnee-ee? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.