Rom Teeb 8:39 - Yennu Gbounpaauŋ Mɔɔr

³⁹ linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

Yennu Gbouŋ Mɔɔr

³⁹ amii linba be sanpaapo amii tinpɔɔr ni amii? siar kaa naauŋ kur ni ki saa fit bɔkit timm nan Yennu lommi, lomm nba nyii ti Yomdaanɔ Yiisa Masia ni na.

Rom Teeb 8:39 ပူးပေါင်းရင်းမြစ်များ

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Jɔɔnn 16:27

kimaan n Baa Yennu mɔŋ mɔŋ looni; ki wa looni maŋ paak tee nnee, kimaan ya loonin ki bia teen yada nan n nyii n Baa maŋ boore na.

Jɔɔnn 17:26

N fiit a binbeŋ ki wanniba, ki bia sii ŋammit ki fiitir a binbeŋ ki wantib, ki jenna, loomm nba ki a loonin na, ki bin fit lian gaar, ki n mun sii fit lian be bi ni.”

Jɔɔnn 3:16

Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Rom Teeb 1:7

Li paak, ki n sɔbin gbouŋ na ki teen yimm nba be Rom doo ni, ki Yennu looni ki ganni a i teen u mɔŋ niib na. Ti Baa Yennu nan ti Yomdaanɔ Yisa Masia-n sommi, ki bia turi parmaasir.

Rom Teeb 11:33

Yennu mɔkint ki mɔk gbennu; ki u yan nan bannu sumii bonchiann. Ŋmee mi ŋɔɔ Yennu dudukit ki sa fit bann u sɔnii?

Rom Teeb 5:8

ŋaan Yennu wann nan u set loonit bonchiann kimaan ta din tee biitdamm na Yisa Masia din gaar ti paak ki kpo.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

Rom Teeb 8:1

Tɔn, mɔtana Yennu kan bu ki biir binba be Yisa Masia ni,

Rom Teeb 8:35

Ŋmee sa fit nyinnit Yisa Masia loomm ni? Ti fara amii maan amii sukit amii kon amii namu amii parbiir amii kuume? Aaii.

2 Korint teeb 11:3

N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

2 Korint teeb 2:11

i daa teen Sintaanii yaaki, kimaan ti mi u sɔnii nba tee biaŋinba.

Efesus teeb 1:4

Yennu nba poŋ daa din ki nan tingbouŋ yoonba nawa ki u din gannit a tii tee u niib Yisa Masia paak, kii tee popeendamm ki daa mɔk biit u boor ni. Kimaan Yennu loonit,

Filipi teeb 3:12

N ki yaa a n poŋ nyann ki yent binbeŋ maŋ amii n poŋ ji be fanu kaa; n gbaae ma n nyann ki yent binbeŋ maŋ; kimaan Yisa Masia din fatima, ki n ji tee u yɔɔe.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

2 Tesalonika teeb 2:4

U tan kan sak Yenjiantu nan jiantii kura, ŋaan jɔɔb u mɔŋ teen yudaanɔ nba gar linba ki niib jiantir kura. U tan sa kɔɔ Yenjiantu diiuk ni gbaa ki pur u mɔŋ Yennu.

1 Jɔɔnn 4:16

Ki ti mɔŋ mɔŋ mun bann Yennu nba loonit biaŋinba, ki bia teen yada nan u set loonit. Yennu tee loomm, ki daanɔ nba yɔɔ mɔk loomm nna, ŋɔɔe gaa Yennu paak, ki Yennu mun bia be u ni.

1 Jɔɔnn 4:19

Yennue sint loonit; ŋanne teen ki ti mun mɔk loomm.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 13:14

Ki Yennu nba chabɔ ki u tuun bakitnauŋ nyina na muuk ni bonkobsinsinn tɔɔnn na, ki u kpann tingbouŋ na teeb, ki betib a bin maa patir ki lii naan muuk ni bonkobuk nba la jukbanjiak daŋ ŋaan tan ki kpo na.

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tee bakitnauŋ nyina u tɔɔnn po ki kpann binba mɔk muuk ni bonkobuk maŋ dɔk na, nan binba daan jiantir u naauŋ na; bi soor muuk ni bonkobuk maŋ nan u faak sɔkinii maŋ na ki bi fo, ki lub bootuk nba gbee nan muu ki sarwuutaa di nann na ni.

Fiitu 2:24

“Ŋaan i siab nba be Tiataira ki ki waa poo maŋ sɔnii na, ki bia ki waa linba ki siab yir Sintaanii woonin ni labaar na, n yeen yimme a n kan jinni jikpiata.

Fiitu 20:3

ki jiiu ki lu bootsunsuŋ na ni bintusir, ŋaan kpar ki kpaa kpai ki tabin, ki u ji kan fit ki kpann tingbouŋ na teeb booru kur bintusir na nɔɔk ni; ki bintusir na-i gar, bi sa lootɔ ki wun nyi paanu waan.

Fiitu 20:7

Bintusir na-i tan gar, bi sa loot Sintaanii bootsunsuŋ na ni ki ŋaau,