Rom Teeb 8:30 - Yennu Gbounpaauŋ Mɔɔr

³⁰ Ki Yennu yiin binba ki u senn na, ki binba ki u yiimm na ki u yet a bi tee niŋamm u boor, ki binba ki u yet a bi tee niŋamm u boor na, ki u donnib.

Yennu Gbouŋ Mɔɔr

³⁰ Yennu-e yiin binba ki u senn na, ki binba ki u yiimm na, ki u yet a bi tee niŋamm u boor, ki binba ki u yet a bi tee niŋamm u boor na, ki u donnib.

Rom Teeb 8:30 ပူးပေါင်းရင်းမြစ်များ

Jɔɔnn 17:22

Popeenn binbeŋ nba ki a turin na, n mun turiba, ki bi sa fit lian taan mɔyomm, kaman nan min nan fin nba tee mɔyomm biaŋinba na.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Rom Teeb 1:6

ki i mun be daansiab nba ki Yisa Masia gannib na kann ni.

Rom Teeb 11:29

kimaan Yennu-i gann niib ki turib piinii, u ji ki lebitir u pari.

Rom Teeb 8:1

Tɔn, mɔtana Yennu kan bu ki biir binba be Yisa Masia ni,

Rom Teeb 8:21

Dasiar be ki dunia bona maŋ tan sa nyi kuun daabsin ni, ki kuun ji kan diar, ki li mun tan sii mɔk parpeenn nba ki Yennu waas tan sa gaar na.

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

1 Korint teeb 1:9

Yennu-i yaa u sa tun linba, u tuun ŋanne. U yiinie a yimm nan u bik ti Yomdaanɔ Yisa Masia-ii mɔk mɔtaauk nan leeb.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

Galasia teeb 1:15

Ŋaan Yennu ninbatinu paak, ki u din gannin ki bi daa din ki marimi, ki yiinin a man tun u toona.

Galasia teeb 1:6

Li bakitime nan ya gaan labagann na yiama, ŋaan nyik Yennu wunba din yiini Masia ninbatinu paak na.

Galasia teeb 5:8

Yennu nba ganni na kaa tun linba na.

Efesus teeb 1:11

Yennu tun siar kur u dudukit nan u lora nee, ki gannit a tii tee u niib, kaman nan u bibikit nba din tee biaŋinba pinpiik niwa na.

Efesus teeb 1:5

li paak, u loomm nan u lora ni u poŋ din dukinewa a Yisa Masia nie ki u sa teenit u waas.

Efesus teeb 2:6

Ta be Yisa Masia ni na paak ki Yennu din lakin fiin timm nan ŋɔɔ, ki ti lakin dii naan nanɔ Yendɔuŋ ni.

Efesus teeb 3:11

Ti Yomdaanɔ Yisa Masia nie ki u din tun linba na kaman nan wa din lor biaŋinba na.

Efesus teeb 4:4

Masia niib tee gbananyenn, ki Yennu Seyeeŋ yenɔkɔɔe be, ki Yennu tinni ki turi dindann yennkɔɔ. Yomdaan-yenɔkɔɔe be, ki ti taan teenɔ yada, ki Yennu nyunwuru mun tee yennkɔɔ.

Kolosa teeb 3:4

Masia nba teent manfoor na nba tan sa dɔkit yoonba, i mun tan sa dɔkit nanɔe nan yentchiauŋ.

1 Tesalonika teeb 2:12

ki maant i para, ki lek tun kpaani a yii be binbensiak nba sa gboo Yennu numm. Ŋɔɔe yiini a wun kɔɔni u tiauŋ naan ni nan yentchiauŋ.

2 Timoti 2:11

Barii nee tee mɔmɔmm: “Ti-i kpo nanɔ, ti mun tan sii mɔk manfoor nanɔe.

Hiibru teeb 9:15

Li paak, Masiae tee wunba ŋammii mɔsonpaann na, a Yennu nba din yiin binba na-n la yiar sanpaapo yoo nba kaa gbennu, kaman nan ŋɔɔ Yennu nba lor mɔlor na. Bi sa la yiar maŋ, kimaan Masia poŋ din kpowa; li paak, binba din tuun toonbiit yoo nba ki sinsinn mɔlor daa din senn na, u kuun maŋ nyinnib toonbiit maŋ tubdatu niwa.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Piita 3:9

I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

Fiitu 17:14

ki bi tan sa kɔn nan Pebik na, ki Pebik na sa nyannib, kimaan u tee yomdamm kur Yomdaanɔ, nan kpanbara kur Kpanbar, ki u poorpoweiteeb mun tee binba ki u yiinib ki gannib, ki bi bia tee yadadamm.

Fiitu 19:9

Ki malaka na yetin a n sɔb a “Binba ki bi yiimm ki bi baar Pebik maŋ pookɔɔnt jaamm ni na, parpeenn tee bi yare.” Ki malaka maŋ bia yetin ki pukin a “Maan na tee Yennu maame, ki tee mɔmɔmm.”