Rom Teeb 8:3 - Yennu Gbounpaauŋ Mɔɔr

³ Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Yennu Gbouŋ Mɔɔr

³ Yennu-e tun u mɔŋ Bija tingbouŋ na ni, ki u baar nan gbanant nba naan nan timm biitdamm gbanant na, ki tan gaar ti paak ki kpo. Ki u kuun maŋ paak ki Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Rom Teeb 8:3 ပူးပေါင်းရင်းမြစ်များ

Barŋanii nba ki MAK din sɔb nae na 15:27

Bi bia din kpaa fatiteeb bannlee dapunpuna paak ki pukin u po, ki yenɔ din be u nuudiitu po, ki lɔɔ na mun din be u nuugaŋ po.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 9:24

Ki li taar munnlee nie ki bi bia ŋamm yiin jɔɔ nba tuu tee jɔɔŋ ŋaan tan nyɔɔnt na, ki tan betɔ a “I teen Yennue nibaakir nan niipoouk; kimaan ti mi nan Yisae tee biitdaanɔ.”

Rom Teeb 3:20

Sɔɔ kaa ki sa fit wei sennu na nba senn biaŋinba ki teen niŋanɔ Yennu tɔɔnn; sennu na paake te ki nifosaarik bann nan u tuun toonbiit.

Rom Teeb 6:6

Ti mi nan ti binbenkper na lakin ki kpo nan Yisa u dapunpunn paak, a ti binbenkper na ji daa mɔk yaak, ki ti ji kii tee daaba biit paŋ ni.

Rom Teeb 7:18

N mi nan bonŋansiar kaa n par ni; n loon ki n tun linba ŋan, ŋaan n kan fit ki tuumiri;

Rom Teeb 8:32

Yennu ki minnit u mɔŋ Bija na, ŋaan jiiu ki turit; ŋɔɔ Yennu turit u Bija maŋ, ki nlee ki u ji kan turit linba kur biari?

Rom Teeb 9:3

n mɔŋ booru paak. Li-i bo-i sa fit ki n set n niib paak ki Masia-n biirin, n bo sa sak nna.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Galasia teeb 3:21

Tɔn, ŋanne want nan sennu na kɔn nan Yennu mɔsona-aa? Aaii, li ki want nna kaa; ŋaan Yennu-i bo-i senn sennu nba sa fit teen nirɔ manfoor, u bo sa yet a niib tee niŋamm u boor sennu maŋ weiu paaka.

Filipi teeb 2:7

ŋaan din sak nan u mɔŋ mɔŋ loomm ni ki nyik wa din mɔk linba na, ki kpint u mɔŋ ki teen kaman nan daabir na ki teen nisaarik, ki tan dɔkit ki teen nisaarik.

Hiibru teeb 10:12

Ŋaan Masia ŋanin din mann marouŋ yomkɔɔe, linba mɔk yikoo yoo kur biit paak, ŋaan ŋmat doo Yendɔuŋ ni ki kar Yennu nuudiitu po.

Hiibru teeb 10:14

Li paak, ŋɔɔ din mann marunyemmire ki te ki binba ki u nyinnib biit ni na be fanu yoo nba kaa gbennu.

Hiibru teeb 2:14

Tɔn, Yennu waas nba tee nisaarii na paak, Yisa mun din tee nisaarike kaman nan ŋamm na, a u kuun ni wun tan biir Sintaanii nba mɔk kuun paŋ na,

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 4:15

Ti mantɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni kaman nan ta mun laat biaŋinba na, ŋaan u lek din ki tun biiti.

1 Piita 2:24

Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.