Rom Teeb 8:29 - Yennu Gbounpaauŋ Mɔɔr

²⁹ U poŋ din senn nan binba ki u yiimm na a bi binbeŋ-ii tee kaman nan u Bija binbeŋ nee, ki Bija na-n teen Bikperik, waas bonchiann sinsuuk ni.

Yennu Gbouŋ Mɔɔr

²⁹ U poŋ din senn nan binba ki u yiimm na, bi binbeŋ-ii tee nan u Bija binbeŋ nae, ki u Bija na n teen Bikperik, waas bonchiann sinsuuk ni.

Rom Teeb 8:29 ပူးပေါင်းရင်းမြစ်များ

Matiu 12:50

kimaan wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo nan n naa.”

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Matiu 28:10

Ki u betib a “I daa tiin jaŋmaanii; i saa man ki saa bet n naa waas maŋ a bin saan Galilee; leŋewa ki bi sa lan.”

Matiu 7:23

Li yoo ki n mun tan sa jiin ki yetib a ‘N ki miini, yimm toonbiit damm na, seetir nna man!’

Jɔɔnn 17:16

Ma ki tee tingbouŋ na ŋaayɔɔ na, li mun bia tee nnee, bi ki tee tingbouŋ na ŋaayabi.

Jɔɔnn 17:19

Ki bi paake ki n jikit n mɔŋ ki teena na, a bin fit lian teen a tiauŋ yab nan barmɔnii.

Jɔɔnn 17:26

N fiit a binbeŋ ki wanniba, ki bia sii ŋammit ki fiitir a binbeŋ ki wantib, ki jenna, loomm nba ki a loonin na, ki bin fit lian gaar, ki n mun sii fit lian be bi ni.”

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Rom Teeb 11:2

Yennu ki ŋaan u niib nba ki u dɔŋ gannib na. I mi la sɔb Yennu gbouŋ ni ki want Elaija nba din beer Yennu, Israel teeb biit po biaŋinba a

Rom Teeb 13:14

Yii tee man kaman nan ti Yomdaanɔ Yisa Masia nba tee biaŋinba na, ŋaan nyik i gbanant loonbiit, ki daa dukii li po jiki.

Rom Teeb 9:23

ki bia poŋ dɔŋ gann niib nba ki u tinib ninbaauk na a wun donnib ki wann wa mɔk burchint bonchiann biaŋinba.

1 Korint teeb 15:49

Ti kura gbanant tee kaman nan Adam wunba nyii tant ni yar nee; dasiar ti bia tan sii tee kaman nan jɔɔ nba nyii Yendɔuŋ ni na yar nie.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

1 Korint teeb 8:3

Daanɔ nba loon Yennu, ŋɔɔe ki Yennu miu.

2 Korint teeb 3:18

Li paak, chinchenn maŋ ji ki dɔɔk ti kura nunii po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naan nanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boor nie.

Efesus teeb 1:11

Yennu tun siar kur u dudukit nan u lora nee, ki gannit a tii tee u niib, kaman nan u bibikit nba din tee biaŋinba pinpiik niwa na.

Efesus teeb 4:24

kii mɔk binbenpaaŋ nba ki Yennu turi na, kii naan Yennu, kii be fanu, kii tee popeendamm nan barmɔnii.

Filipi teeb 3:21

U tan sa lebit ti gbananchɔkint nba sa kpo na ki lii naan kaman nan u Yendɔuŋ ni gbananpaann nee. U tan sa jii paŋ nba te ki u yen bonsiar kur nee ki tun nna.

Kolosa teeb 3:10

ŋaan ji mɔk linba tee binbenpaaŋe. Binbenpaaŋ nee ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

2 Timoti 2:19

ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 1:20

Yennu nba daa din ki nan dunia yoonba na, ŋaan ki u poŋ gann Masia a wuu tee mannu maŋ, ŋaan ki u tan nyii paanu dajoontii na ni ti paak.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.