Rom Teeb 8:28 - Yennu Gbounpaauŋ Mɔɔr

²⁸ Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

Yennu Gbouŋ Mɔɔr

²⁸ Binba ki Yennu yiimm na, u mɔk linba paak ki u yiimme, ki bi mɔk lomm nanɔ, ki ti mi nan linba kur tuun, u te ki li tee bonŋann ki teen ŋamme.

Rom Teeb 8:28 ပူးပေါင်းရင်းမြစ်များ

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

1 Korint teeb 2:9

Li sɔb Yennu gbouŋ ni a “Linba ki nirɔ ki la, ki bia ki gbati, ki bia ki dukin a li sa fit teen na, ŋanne ki Yennu teen siir ki guun binba loonɔ na.”

Rom Teeb 8:30

Ki Yennu yiin binba ki u senn na, ki binba ki u yiimm na ki u yet a bi tee niŋamm u boor, ki binba ki u yet a bi tee niŋamm u boor na, ki u donnib.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

1 Korint teeb 1:9

Yennu-i yaa u sa tun linba, u tuun ŋanne. U yiinie a yimm nan u bik ti Yomdaanɔ Yisa Masia-ii mɔk mɔtaauk nan leeb.

Fiitu 3:19

Binba kur ki n loomm na, n kpaamm kpaanii ki daar bi tuba. Li paak, nyikin man i biit, ki daa jerimi.

Galasia teeb 1:15

Ŋaan Yennu ninbatinu paak, ki u din gannin ki bi daa din ki marimi, ki yiinin a man tun u toona.

1 Tesalonika teeb 5:9

Kimaan Yennu din ki gannit a wun tan dat ti tuba kaa, ŋaan u gannit a tin la tinnu ti Yomdaanɔ Yisa Masia paak;

Barŋanii nba ki MAK din sɔb nae na 12:30

i loonɔ nan a par kur, nan a seek kur, nan a dudukit kur, nan a paŋ kura.’

Efesus teeb 3:11

Ti Yomdaanɔ Yisa Masia nie ki u din tun linba na kaman nan wa din lor biaŋinba na.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Jɔɔnn 4:19

Yennue sint loonit; ŋanne teen ki ti mun mɔk loomm.

2 Timoti 2:19

ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

Rom Teeb 9:11

Yoo nba ki bi daa din ki marib ki bi ki tun linba ŋan amii linba bi na, ki Yennu din yet a bikperik na tan sii tee waarɔ po na jiamɔ. Yennu din yet nna a u loomm na-n saan tɔɔnn. Li paak, u loomm na tee wun gann niibe, li ki tee bi toona paak kaa ki bi tee u niibi; ŋaan li tee wa loon ki gann nee.

2 Korint teeb 5:1

Kimaan ti mi nan gbanant nba ki ti mɔk mɔtana na-i taŋŋi kpo, ti mɔk ŋei nba ki Yennu sa turit sanpaapo, ki li ki tee nifosaarik kaa maa ŋei maŋi, ki li bia tan sii be nan yoo nba kaa gbennu.

Galasia teeb 5:8

Yennu nba ganni na kaa tun linba na.

Toona 13:48

Tɔn, binba ki tee Juu teeb maŋ nba din gbat nna maŋ, ki bi ji mɔk parpeenn, ki piak Yennu maan. Ki binba ki Yennu gannib a bin la manfoor nba kaa gbennu na teen Yisa Masia yada.

Rom Teeb 11:29

kimaan Yennu-i gann niib ki turib piinii, u ji ki lebitir u pari.

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

1 Korint teeb 1:24

Juu teeb nan binba ki tee Juu teeb ki Yennu gannib na ŋanin mi nan Masia kuun labaar na tee Yennu paŋ nan u yame.

Galasia teeb 1:6

Li bakitime nan ya gaan labagann na yiama, ŋaan nyik Yennu wunba din yiini Masia ninbatinu paak na.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Filipi teeb 3:14

Li paake te ki n tɔkin poot sɔnu maŋ ki tiin sunsonn saa nyannu bɔɔnu maŋ peŋ ma n sa gaar paauk nba tee sanpaapo manfoor ki Yennu din yiinin li paak Yisa Masia ni na.

Hiibru teeb 9:15

Li paak, Masiae tee wunba ŋammii mɔsonpaann na, a Yennu nba din yiin binba na-n la yiar sanpaapo yoo nba kaa gbennu, kaman nan ŋɔɔ Yennu nba lor mɔlor na. Bi sa la yiar maŋ, kimaan Masia poŋ din kpowa; li paak, binba din tuun toonbiit yoo nba ki sinsinn mɔlor daa din senn na, u kuun maŋ nyinnib toonbiit maŋ tubdatu niwa.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Piita 3:9

I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.