Rom Teeb 8:24 - Yennu Gbounpaauŋ Mɔɔr

²⁴ Ta la tinnu nee ki ti mɔk dindann na. Tɔn, nirɔ-i la linba ki u bo mɔk dindann li paak na, ŋann ŋanin, li ji ki tee dindann. Ki ŋmee jin sii mɔk dindann nan linba ki u poŋ lar paaki?

Yennu Gbouŋ Mɔɔr

²⁴ Ti dindanne te ki ti la tinnu. Tɔn, nirɔ-i la linba ki u bo mɔk dindann li paak na, ŋann ŋarin, li ji ki tee dindanni. Ki ŋmee ji sii mɔk dindann linba ki u poŋ lar paaki?

Rom Teeb 8:24 ပူးပေါင်းရင်းမြစ်များ

Rom Teeb 12:12

ŋaan kii mɔk parpeenn i dindann paak, kii mɔk mintir i fardinu sinsuuk ni, ŋaan kii mei Yennu yoo kur;

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

Rom Teeb 15:4

Linba kur sɔb Yennu gbouŋ ni na, li sɔb ki turit a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 4:18

Siar din ki want dindann ŋaan Abraham lek ji din mɔk dindann nan Yennu sa turɔ bika, ki bia teen yada, ki u yada teenu paak ki u din teen nibooru bonchiann baa kaman nan Yennu nba yetɔ a “A yaaboona tan sa pɔt bonchiann.”

Rom Teeb 5:2

U paake ki Yennu tint ninbaauk ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu sa turit na.

Rom Teeb 8:20

kimaan dunia bona kur din biira ki ji ki mɔk nyɔɔti, li din ki tee li loomm kaa, li din tee Yennu loomme ki li teen nna; ŋaan ki u bia lek ŋaan ki li mɔk dindann.

1 Korint teeb 13:13

Tɔn, yada nan dindann nan loomm, li bona ŋanntaa daa be mɔtana; ŋaan loomme gar li kur.

2 Korint teeb 4:18

kimaan ti baka kaa linba ki ti laat na po kaa, ŋaan ti baka be linba ki ti ki laat na poe; kimaan linba ki ti laat na, li kan yukiri ki li tan sa gar, ŋaan linba ki ti ki laat na ŋanin tan sii be nan yoo nba kaa gbennu.

2 Korint teeb 5:7

kimaan ti waa yada sɔnue, ti ki waa linba ki ti ninbinn lar na kaa.

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

Kolosa teeb 1:5

kimaan pinpiik ni ya din gbat barmɔnii barŋanii yoonba, i din gbat bonŋana nba guui Yendɔuŋ ni na poe.

1 Tesalonika teeb 5:8

Ŋaan timm nba ki tee nyiɔk yab na, tii sub man, ki jii yada nan loomm lia kaman nan naagbankɔŋŋir na, ki bia jii tinnu dindann ki yir kaman nan naagbankɔŋŋir na.

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

Taitus 3:7

Yennu ninbatinu paak ki u din tun nna a wun teent niŋamm u boor; ki bia teent u waas nba mɔk dindann ki ti sa la manfoor nba kaa gbennu.

Hiibru teeb 11:1

Yada tee, ta ki mɔk birsuk nan bont nba ki ti mɔk dindann li paak na set be ŋaan daa ki lar nan ti ninbinn nee.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.