Rom Teeb 8:19 - Yennu Gbounpaauŋ Mɔɔr

¹⁹ Dunia bona kur nba ki Yennu nann na guu nan ninmɔnne nan yoo nba ki Yennu tan sa nyinn u waas yeenin ni,

Yennu Gbouŋ Mɔɔr

¹⁹ Linba ki Yennu nan na guu nan ninmɔnne nan yoo nba ki Yennu tan saa nyinn u waas yeenin ni,

Rom Teeb 8:19 ပူးပေါင်းရင်းမြစ်များ

Matiu 5:9

“Binba tee sandantinna nan kunkɔnpat teeb, parpeenn tee bi yare, kimaan ŋamme ki Yennu sii yib u waas.

Jɔɔnn 1:12

Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Toona 3:21

ŋaan Yisa maŋ lek sii be Yendɔuŋ ni, ki Yennu-n tan ŋamm bona kura, kaman nan wa din te ki u popeenn sɔkiniinba nba din be yaayoo ni na yet biaŋinba na, ki bi mun pak turit na.

Rom Teeb 8:14

Binba ki Yennu Seyeeŋ ŋmakitirib sɔnu na, ŋamme tee Yennu waas.

Rom Teeb 8:16

Yennu Seyeeŋ maŋe te ki ti mɔŋ sei mi bonŋann nan ti tee Yennu waas.

Rom Teeb 8:18

N mi nan fara nba ki ti di mɔtana na, li kan fit yekin nan parpeenn nba ki ti tan sa la Yendɔuŋ ni na.

Rom Teeb 8:23

Li ki tee dunia bona na kuukɔɔ kaa ki li yiari, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan sa nyinn ki wann yeenin ni a ti tee u waase, ki te ki ti gbanant-n nyi daabsin ni.

Rom Teeb 9:26

a ki siaminba ki bi din yetib a bi ki tee n niib na, a leŋe biak ki bi sa yiimm ‘Manfodaanɔ Yennu na waas.’ ”

1 Korint teeb 1:7

Li paak, i ki pɔt Yennu Seyeeŋ piinii na yenn gbaa nan ya guu daar nba ki ti Yomdaanɔ Yisa Masia tan sa jen na.

1 Korint teeb 1:8

U sii guui nan ti Yomdaanɔ Yisa Masia jenu daar maŋ ki i tan daa mɔk biiti.

2 Korint teeb 6:18

N sii tee i Baae, ki yii tee n bonjabis nan n sapaanbis. Min, i Yomdaanɔ Yennu nba mɔk paŋ kur na beeri nna.”

Galasia teeb 3:26

Ya teen Yisa Masia yada ki be u ni na, ŋann paake ki i tee Yennu waas.

Filipi teeb 1:20

N par ni loomm nan n dindann tee ki n daa dint n mɔŋ feie, ŋaan n sii mɔk parcheenn mɔtana nan yoo kura, ki mi-i lekii kpo amii ma be, ŋaan li kura sa dont Masia sann n po,

Kolosa teeb 3:4

Masia nba teent manfoor na nba tan sa dɔkit yoonba, i mun tan sa dɔkit nanɔe nan yentchiauŋ.

Hiibru teeb 12:27

Mɔbona nba yet a, “N ji tan” na, li fiit want nan bonnankaa kur tan sa nik ki yaat bot li binbeboore, ŋaan ki linba tan kan fit nik na ŋanin-n tan sa biar li boae.

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

1 Piita 1:7

Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

1 Jɔɔnn 3:1

Lek gotir man loonbooru nba ki ti Baa Yennu mantik loont na. U loomm maŋ mantik ji sa yabite, ki u jiit ki teenit u waas, ki ti set mun tee u waase. Ŋaan tingbouŋ na ŋaateeb ki mi ta tee niboorsiab nba, kimaan bi ki mi Yennu.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Fiitu 21:7

a ki wunba nyann nyannu na, u sa gaar linba na n boor, ki n sii tee u Yennu, ki u mun sii tee n bik.