Rom Teeb 8:17 - Yennu Gbounpaauŋ Mɔɔr

¹⁷ Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

Yennu Gbouŋ Mɔɔr

¹⁷ Taa set tee u waas na paak, ti saa la bonŋann nba ki u bir ki guun u niib nawa; ti bia tan saa lakin nan Masia ki gaarira. Kimaan ti-i di biak Masia paak, u tan saa donnit u boora.

Rom Teeb 8:17 ပူးပေါင်းရင်းမြစ်များ

Matiu 16:24

ŋaan bet u poorpoweiteeb a “Wunba-i loon wun wein, see ki u likin u saaŋmaŋ ki jii u kuun dapunpunn kii waan,

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Barŋanii nba ki LUK din sɔb nae na 12:32

“N niib nba ki yab na, i daa tiin jaŋmaanii, kimaan i Baa Yennu yaa wun turi naan maŋ, ki bia mɔk parpeenn nan wa sa turi na paak.

Barŋanii nba ki LUK din sɔb nae na 24:26

Li teen talas nan Yennu Niganntɔɔ Masia-n di fara maŋ, ki tan la u baakir.”

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Rom Teeb 5:17

Niyenɔkɔɔ maŋ toonbiiuk paake ki kuun kpi sɔɔ kur, ki li nyii niyenɔ maŋ boore; ŋaan linba wei niyenɔkɔɔ Yisa Masia toonn na gar nnawa; niib kur nba la Yennu ninbatinu nba yab, nan u piinii nba tee nyikinchab piinii na, bi sa di naan kii mɔk manfoa Yisa Masia paak.

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

1 Korint teeb 2:9

Li sɔb Yennu gbouŋ ni a “Linba ki nirɔ ki la, ki bia ki gbati, ki bia ki dukin a li sa fit teen na, ŋanne ki Yennu teen siir ki guun binba loonɔ na.”

2 Korint teeb 1:5

Ti fara dinu Masia sann paak nba yab biaŋinba, nnee ki ti parmaann mun bia yab kimaan ŋɔɔ Masia sann paak.

2 Korint teeb 1:7

Li paak ti mɔk dindann ki jii jiin i po a i sa saan tɔɔnn, kimaan ti mi nan ya di fara kaman nan ta di biaŋinba na, nnee ki i mun bia sii laat parmaann kaman nan ta laat biaŋinba na.

Galasia teeb 3:29

Ki i-i tee Masia yabie, ŋann i tee Abraham yaaboonae, ki tan sa gaar piinii nba ki Yennu din senn mɔsonn a u sa turib na.

Galasia teeb 4:7

Li paak, a ji ki tee daabir kaa, ŋaan a ji tee Yennu bike; ki fa tee u bik na paak, u mun sa tura linba kur ki u mɔk ki teen u waas.

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Filipi teeb 1:29

Ya poŋ mɔk yaak nan yin tun ki tur Masia na paak, ki li ki tee ya teenɔ yada na paak kuukɔɔ kaa, ŋaan ya bia di fara u paak na,

Filipi teeb 3:10

Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

Taitus 3:7

Yennu ninbatinu paak ki u din tun nna a wun teent niŋamm u boor; ki bia teent u waas nba mɔk dindann ki ti sa la manfoor nba kaa gbennu.

Hiibru teeb 1:14

Li paak, malakanba tee bee? Bi kur tee sei nba jiantir Yennue, ki ŋɔɔ Yennu tuumm a bii sommit niib nba la tinnu na.

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.

Hiibru teeb 6:17

Tɔn, binba din yaa bin gaar Yennu nba din senn mɔsonn nba na, u din loon wun wannib a u kan mi lebit u dudukiti; li paak ki u din pukin u mɔlor u mɔsonn maŋ paak.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 1:4

ki la linba tee Yennu waas yar, ki li sii be yoo nba kaa gbennu, ki kan biir, li fant bia kan siiri; ki li be Yendɔuŋ ni

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

Fiitu 21:7

a ki wunba nyann nyannu na, u sa gaar linba na n boor, ki n sii tee u Yennu, ki u mun sii tee n bik.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.