Rom Teeb 8:15 - Yennu Gbounpaauŋ Mɔɔr

¹⁵ U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a “Ti Baa.”

Yennu Gbouŋ Mɔɔr

¹⁵ U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a, “Ti Baa.”

Rom Teeb 8:15 ပူးပေါင်းရင်းမြစ်များ

Matiu 25:25

Li paak, min daan tiina jaŋmaaniie, ki jii a pɔŋ tusyenn na ki gbiir ki pii tiŋ ni. Li paak, ŋannii na! gaat a bont.’

Barŋanii nba ki MAK din sɔb nae na 14:36

“N Baa, n Baa, siar ki paar a boor ni. Daa ŋaant ki n kɔɔ bonbiir nba baat n paak na ni; ŋaan daa te ki li tee ma loon biaŋinba kaa, ŋaan te ki lin teen fa loon biaŋinbae.”

Barŋanii nba ki LUK din sɔb nae na 11:2

Ki Yisa betib a “Ya tuu sii mei Yennu biaŋinbae na: Ti Baa, ŋaant ki bii baakit a sann. Ŋaant ki a naan-n baar.

Barŋanii nba ki LUK din sɔb nae na 22:42

ki yet a “N Baa, li-i tee a loomm, daa ŋaant ki n kɔɔ bonbiir nba baat n paak na ni; ŋaan ŋaant ki a loommo-n tun, ki li daa tee n loommu.”

Barŋanii nba ki LUK din sɔb nae na 8:28

Yoo kur narinbiit maŋ din tuu fiirɔe, ki u doo ni teeb din tuu guu-u ki baan u nii nan u taa nan jarit, ŋaan wun yan jarit na; ki narinbiit maŋ beerɔ ki kɔɔntɔ muuk. Wa din la Yisa yoonba, ki u yikin sanpaapowa, ŋaan gbaan Yisa tɔɔnn ni ki tian yet a “Yisa, wunba tee Yabint Yennu Bija, min nan fin, nlee mantiki? N barimae, a daa mukisirimi.” U din yet nna kimaan Yisa poŋ yakii nan narinbiiuk na a wun nyi jɔɔ na ni.

Barŋanii nba ki LUK din sɔb nae na 8:37

Ŋanne ki Gerasa tiŋ teeb kur din baar Yisa boor ki barimɔ a wun seet nna kii saa, kimaan jaŋmaanii soorib hei. Ki Yisa ji din kɔɔ burgbetir na ni a wun ŋmat;

Jɔɔnn 16:8

“U-i taŋŋi baar yoonba, u sa wann tingbouŋ na ŋaateeb a bi mɔk biit. U bia sa wannib yentinu nba tee biaŋinba, ki bia sa wannib Yennu barbuut nba tan sii tee biaŋinba.

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Toona 16:29

Ŋanne ki guurɔ na yaa a bin too muu, ŋaan faar kɔɔ yommii diiuk maŋ ni, ki gbaan wook ki jekir Pɔɔl nan Sailas tɔɔnn,

Toona 2:37

Niib na nba gbat nna maŋ, ki bi para ni biir bonchiann. Ki bi boi Piita nan u leeb na a “Ei! ti naa waas, ki ti sa teen nlee?”

Rom Teeb 8:16

Yennu Seyeeŋ maŋe te ki ti mɔŋ sei mi bonŋann nan ti tee Yennu waas.

Rom Teeb 8:23

Li ki tee dunia bona na kuukɔɔ kaa ki li yiari, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan sa nyinn ki wann yeenin ni a ti tee u waase, ki te ki ti gbanant-n nyi daabsin ni.

Rom Teeb 8:26

Nnee mun ki Yennu Seyeeŋ na baar a wun sommit ti bakint ni, kimaan ti ki mi biaŋinba ki ti sii mei Yennu. Ŋɔɔ Yennu Seyeeŋ mɔŋe mei Yennu ki teent ki te ki ti kurii ki mei ti para ni ki ti mɔbona kan fit pak li paaki.

Rom Teeb 9:4

Ŋamme tee Israel teeb, ki Yennu din gannib ki din te ki bi tee u waas, ki din taan namm nan yentsaakar, ki turib mɔlora, ki bia turib u sennu, ki wannib barmɔnii jiantu, ki senn mɔsona ki turib.

1 Korint teeb 2:12

Seek nba ki ti gaar na, u ki tee tingbouŋ na seek kaa, ŋaan u tee Yennu Seyeeŋ nba sa te ki tin bann piinii nba ki u turite.

2 Korint teeb 11:4

Nisɔɔ-i baar i boor ni ki beeri labalia nba ki tee Yisa labaar nba ki ti din beti na, bee te ki i tuu di sukuru nan li yɔɔ? Bee te ki i gaan labaar nba ki tee Yisa barŋanii; bee te ki i bia gaan seek nba ki tee Yennu Seyeeŋi?

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Galasia teeb 5:1

Yisa Masia poŋ fat timma, ki ti be ti yama nie. Li paak, i daa te ki siar ji dia-i ki i tee li daabir.

Efesus teeb 1:5

li paak, u loomm nan u lora ni u poŋ din dukinewa a Yisa Masia nie ki u sa teenit u waas.

2 Timoti 1:7

kimaan Seyeeŋ nba ki Yennu turit na ki teenit jaŋmaandamm kaa, ŋaan Seyeeŋ maŋ teent paŋ nan loomm, nan dianmɔŋ binbeŋ.

Hiibru teeb 2:15

ki nyinn binba tiin kuun jaŋmaanii na bi jaŋmaanii maŋ ni, kimaan bi din tee jaŋmaanii yommiie bi manfoa kur ni.

Jeems 2:19

A teen yada nan Yen-yenɔkɔɔe be-ee? Li ŋan. Narinbiit mun teen yada nan Yen-yenɔkɔɔe be, ki bia jekir nan jaŋmaanii.

1 Jɔɔnn 4:18

Ti-i mɔk loomm, jijeet sii kaa. Li-i tee ki loomm mantik be nan mɔnii mɔnii, jijeet kan la yaak kii be ti ni, kimaan tubdatu paake ki ti tuu jee. Li-i tee ki nirɔ jee jijeeti, u ki mɔk loomm nan barmɔnii.