Rom Teeb 8:1 - Yennu Gbounpaauŋ Mɔɔr

¹ Tɔn, mɔtana Yennu kan bu ki biir binba be Yisa Masia ni,

Yennu Gbouŋ Mɔɔr

¹ Tɔn, mɔtana Yennu kan bu ki biir binba be Yiisa Masia ni na.

Rom Teeb 8:1 ပူးပေါင်းရင်းမြစ်များ

Jɔɔnn 14:20

Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.

Jɔɔnn 15:4

Yii gaa n paak man, ki n sii be i ni. Tiyiinu kan fit lon lɔɔna, see ki u gaa tiik paak. Li mun bia tee nnee, i kan fit lon lɔɔna, see ki i gaa n paak.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Rom Teeb 16:3

N foont Akuila nan u ŋaapoo Prisila binba tee n toontunleeb Yisa Masia toona ni na.

Rom Teeb 16:7

ki foont Andronikus nan Junias binba tee n booru ni niib, ki min nan ŋamm din lakin kɔɔ dansarik; ki Masia toomiinba mib bonŋann na, ki bi din sint teen Masiaweira ki n tan wei na.

Rom Teeb 5:1

Tɔn, ta teen Yisa yada na paake, ki Yennu yet a ti tee niŋamm u tɔɔnn, ki parmaasir ji be timm nan Yennu sinsuuk ni ti Yomdaanɔ Yisa Masia paak.

Rom Teeb 5:16

Bɔkitu be Yennu piinii nan niyenɔkɔɔ Adam toonbiiuk sinsuuk ni; kimaan niyenɔkɔɔ Adam toonbiiuk maŋ poorpoe ki Yennu din bu u buut ki yet a u toonbiiuk maŋ ŋan nan tubdatu; ŋaan ŋɔɔ Yisa Masia piinii nba ki u pit yann na tee nyikinchab, toonbichiauŋ poorpoe.

Rom Teeb 7:17

Li paak, li ki tee n mɔŋ kaa tuumiri, ŋaan biit nba be n ni nee te ki n tuun.

Rom Teeb 7:20

Li paak, mi-i tuun linba ki n bo ki loon mii tuumi, li ji ki tee min kaa tuumi, ŋaan li tee biit nba be n ni nee tuun.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

Rom Teeb 8:14

Binba ki Yennu Seyeeŋ ŋmakitirib sɔnu na, ŋamme tee Yennu waas.

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

Rom Teeb 8:39

linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

Rom Teeb 8:4

Yennue tun nna, a timm nba ki ti binbeŋ waa Yennu Seyeeŋ na ki li ki tee ti nisaarii loomm na, sa sak ki wei barmɔnii sɔnu, sennu nba wann biaŋinba.

Rom Teeb 8:9

Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

1 Korint teeb 15:22

Kimaan Adam paake ki nifosaarii kur kpenn; nnee mun Masia paak nifosaarii sa la manfoa.

2 Korint teeb 12:2

Li bina piik nan ŋannae na, ki Yennu din jiin ki donnin u boor ni sanpaapo; n ki fit bann amii u din jii n seek kuukɔɔe ki doo nanin, amii u din jii n seek nan n gbanante, ŋɔɔ kuukɔɔe mi.

2 Korint teeb 5:17

Li paak, nirɔ nba be Masia ni, li yɔɔ ji tee nipaamɔɔe; u binbenkper kur ji gara; gotir man, binbenpaaŋ ji dɔkit li yɔɔ niwa.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Galasia teeb 3:26

Ya teen Yisa Masia yada ki be u ni na, ŋann paake ki i tee Yennu waas.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Galasia teeb 5:16

Ŋaan n beerie, ŋaant ki Seyeeŋ-ii dia i binbeŋ man, ki daa te ki i niauŋ tuun nisaarik loommu.

Galasia teeb 5:25

Yennu Seyeeŋ nba turit manfoor na, ŋɔɔe ki li ŋan tii waau.

Efesus teeb 1:1

Min Pɔɔl wunba ki Yennu gannin a n teen Yisa Masia toomii na foont Yisa Masiaweira nba teenɔ yada ki be Efesus doo ni.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.