Rom Teeb 7:7 - Yennu Gbounpaauŋ Mɔɔr

⁷ Li paak, ti sa yet a nlee? Ti sa yet a sennu na ki ŋan amii? Ti kan yet nna kaa. Sennu na-i bo-i kaa, n bo kan bann biit nba tee linba. Sennu na-i bo-i kii wann a n daa mɔk niauŋ n lɔɔ bont paaki, n bo kan bann niauŋ nba tee linba,

Yennu Gbouŋ Mɔɔr

⁷ Li paak, ti saa yet a bia? Ti yet a sennu na ki ŋan amii? Ti kan yet nna kaa. Sennu na-i bonni kaa, n bo kan bann biit nba tee linba. Sennu na-i bonni kii wann a n daa mɔk niɔŋ n lɔɔ bont paaki, n bo kan bann niɔŋ nba tee linba,

Rom Teeb 7:7 ပူးပေါင်းရင်းမြစ်များ

Matiu 5:28

ŋaan min ŋanin beerie la, nan wunba got poo ki u niauŋ kɔɔu, u tun bonchonchonn toonn u par niwa.

Barŋanii nba ki LUK din sɔb nae na 12:15

Ŋanne ki Yisa ŋamm pak nibur na a “I mi man mɔkint loomm po. Mɔkint bonchiann kaa sa te ki nirɔ-ii mɔk manfoori.”

Barŋanii nba ki LUK din sɔb nae na 20:16

U sa baar ki kpib, ŋaan bia jii kpaab maŋ ki tur leeb.” Niib maŋ nba gbat linba na ki bi yet a “Yennu-n bɔr ŋann.”

Toona 20:33

I mɔŋ bia mi nan n ki nian sɔɔ likirii amii tiati.

Rom Teeb 13:9

Yennu sennu na yet a “Daa chommi; daa kpi a lɔɔ; daa jaami; daa mɔk niauŋ a lɔɔ bont paaki;” ki senn-yena biar ki pukin linba na paak ki li kur taan ki yet a “I loon a lɔɔ kaman nan fa loon a mɔŋ biaŋinba na.”

Rom Teeb 3:20

Sɔɔ kaa ki sa fit wei sennu na nba senn biaŋinba ki teen niŋanɔ Yennu tɔɔnn; sennu na paake te ki nifosaarik bann nan u tuun toonbiit.

Rom Teeb 3:5

Ŋaan ti toonbiit-i fiit wann nan Yennu mɔk mɔnii, bee ki ti sa yeti? Wa dat ti tuba na paak, ki ti ji yet a u mɔk biitii? (Nisaarik dudukite ki n yet nna.) Aaii, n kan yet nna kaa.

Rom Teeb 4:1

Tɔn, ti sa yet a bee ki jikit saa ti yeja Abraham po, nan u binbeŋ po?

Rom Teeb 4:15

Sennu nee baat nan Yennu wutoor li mɔyêtuk paak, ŋaan bi-i kii senn sennu, mɔyêtuk sii kaa.

Rom Teeb 5:20

Sennu na baar a lin ŋamm fiit wann toonbiit nba yab biaŋinbae; ki toonbiit nba yab na, Yennu ninbatinu mun yab ki gar nna.

Rom Teeb 6:15

Tɔn, sennu na nba ki yenti, ŋaan ki Yennu ninbatinu nee yent na, ti sa biar toonbiit tumu ni amii? Aaii, ti kan teen nna kaa.

Rom Teeb 7:11

Biit la u sɔnu sennu na nie ki kpannin, ki leŋe ki li kpiin.

Rom Teeb 7:13

Tɔn, li want nan linba ŋane baar nan kuun n paak amii? Aaii, li ki want nna kaa. Biit nee jii linba ŋan na ki baar nan kuun turin, a lin wann biit nba tee linba. Ŋanne ki ti ji bann nan biit tee bonbilankante.

Rom Teeb 7:5

Yoo nba ki ti din tuun ti gbanant loomm nee, ki sennu na te ki ti mɔk nianbiiuk ki li tuun ti gbanant ni, ki li baat nan linba tee kuun ti paak.

Rom Teeb 7:8

ŋaan ki biit la yaak sennu na ni, ki te ki nianbooru booru bonchiann fiir n par ni. Sennu na-i bo-i kaa, biit bo sii tee bonkpeenne.

1 Korint teeb 15:56

Kuun tonu tee biite, ki biit kpit sennu paŋ ni.

Efesus teeb 5:3

Ya tee Yennu waas na paak, li poŋ ki ŋan niib-ii gbia bonchonchonn toona barii, amii jakint barii, amii nianchiauŋ barii i sinsuuk ni.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

1 Tesalonika teeb 4:5

ki daa tuun nna nan nianbiiuk binbeŋ kaman nan binba ki mi Yennu nba be biaŋinba na.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.