Rom Teeb 7:4 - Yennu Gbounpaauŋ Mɔɔr

⁴ N naa waas, li mun tee nnee ki turi; i tee Masia gbanant bɔkire, ki din kpoe ki sennu na ji ki soini; ŋaan mɔtana i gaa nan Masia wunba din fiir kuun ni nee, a tii tuun linba ŋan ki tur Yennu.

Yennu Gbouŋ Mɔɔr

⁴ N naa waas, li mun tee nnae ki turi; i tee Masia gbanant bɔkire, ki din kpo ki sennu na ji ki soi; ŋaan mɔtana i gaa nan Masia nba din fiir kuun ni a tii tuun linba ŋan ki tur Yennu nae.

Rom Teeb 7:4 ပူးပေါင်းရင်းမြစ်များ

Matiu 26:26

Ba tan kar di jeet yoo nba na ki Yisa jii boroboro, ki tur Yennu niipoouk li paak, ŋaan ŋmit ŋmit, ki tur u poorpoweiteeb, ŋaan betib a “Gaat man ki di. Nee tee n gbanant.”

Barŋanii nba ki MAK din sɔb nae na 4:20

Ŋaan nisiab ŋanin naan nan bonboorii nba tuu baa tinŋaŋ ni nee. Ŋamm gbia maan maŋ ki gaan, ki li naan. Siab naan piinntataa, ki siab naan piinnloobloob, ki siab mun bia naan kobik kobik.”

Jɔɔnn 15:8

Li-i tee ki i lôon lɔɔna bonchiann, ŋanne sa wann nan i set tee n poorpoweiteeb nan barmɔnii, ki n Baa Yennu sa la dontir.

Jɔɔnn 3:29

Poosɔrɔe tee wunba yen pooyookir na. Wunba tee poosɔrɔ na yɔɔk ki be u boor ki gbiintirɔ, ŋɔɔe mɔk parpeenn poosɔrɔ na kunkɔr paak. Nnee ki n mun set mɔk parpeenn bonchiann Masia na paak.

Jɔɔnn 6:51

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Rom Teeb 6:11

Li paak, i mun dukin nan li tee kaman nan i kpoe ki biit ji ki mɔk i yaaki, ŋaan Yisa Masia paak i ji be i manfoor ni Yennu boor.

Rom Teeb 6:14

Biit daa mɔk i yaak, kimaan sennu na ki yeniini, ŋaan Yennu ninbatinu nee yeni.

Rom Teeb 6:2

Aaii, ŋann kaa. Li tee kaman nan ti kpo nee, ki li paak biit ki mɔk ti yaaki. Ŋannimi ti kan biar toonbiit tumu ni.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

Rom Teeb 7:3

Ŋannimi, yoo nba ki u sɔrɔ daa be u manfoor ni na, ŋaan ki u nyii jab, bi sii yiu poochonchonne; ŋaan li-i tee ki u sɔrɔ kpoie, sennu na ji kan soorɔ, li-i tee ki u ji kun jaganɔ u sɔrɔ na kuun poorpo, u ji kii tee poochonchonni.

Rom Teeb 7:6

Mɔtana ŋanin, sennu na ki diati, kimaan ti din kpoe ki sennu na ji ki mɔk ti yaaki. Li paak, ti ji fit tuun ki teen Yennu nan manfopaann nba ki u Seyeeŋ turit; ti ji ki tuun nan sennkper nba ki bi din sɔb gbouŋ ni na kaa.

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

1 Korint teeb 10:16

Niipoouk turu ŋmanbanyuutik nba ki ti tuu tur Yennu niipoouk ŋaan nyu leŋ na paak, ŋanne see Masia sɔn ni; ki boroboro nba ki ti tuu ŋmit ŋmit ki ŋman na, ŋanne mun bia see Masia gbanant ni.

2 Korint teeb 11:2

N looni bonchiann kaman nan Yennu nba looni biaŋinba na. I tee kaman nan sapaamɔ nba ki mi jɔɔ nae, ki n loon ki n jiie ki tur Masia ki yii waa ŋɔɔ kuukɔɔ.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Galasia teeb 5:18

Li-i tee ki i saak ki Yennu Seyeeŋ ŋmakitiri sɔnu, i ji ki be sennu maŋ ni.

Efesus teeb 2:15

U din kpeen Juu teeb sennu nan li kɔɔt na kura a wun te parmaasir-n baar nibooru munnlee maŋ sinsuuk ni, ki bii be u ni ki taan kii tee nipaamm yenɔkɔɔ.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 4:17

Li ki tee a n loon mii gaan i piinii kuukɔɔ kaa, ŋaan n loon ki yin gaar Seyeeŋ nyɔɔt nba sa pukin i po.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 1:22

ŋaan mɔtana, u Bija gbanant kuun maŋ paak, u ji teeni u yɔɔsinbae a wun jii-i ki yii tee popeendamm, ki daa mɔk jakint nan biit, ki baar u boor ni,

Kolosa teeb 1:6

Ki barŋanii maŋe baat nani kaman nan la yat ki kpaatir tingbouŋ na kur ni ki ŋammit niib binbeŋ, ki bia tuun nna i mɔŋ boor ni, la nyii daar nba ki i din gbat ki bann Yennu ninbatinu nan barmɔnii maŋ nba tee biaŋinba na.

Kolosa teeb 2:14

Ba din kpaau dapunpunn paak yoonba na, u din kpeen ti biit pann nba din sɔb dɔɔ na nan li sennu munn munn na.

Kolosa teeb 2:20

I kpo nan Masia, ki u fati dunia ni bona paŋ yent ni, ki bee ki i jin be kaman nan i bia daa tee tingbouŋ na yabi? Bee te ki i jɔbi i mɔŋ tee sennii nba yaa a

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

1 Piita 2:24

Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.

Fiitu 19:7

Ŋaant man ki tii kpamm kii mɔk parpeenn kii dont u sann ki turɔ nibaakir, kimaan yoo na baara ki Pebik na loon wun kɔɔn u poo, ki sarkpeŋ poŋ teen siira.

Fiitu 21:9

Li yoo na ki malakanba bannlore nba daan dia senii ŋannlore ki li gbee nan farbiit ŋannlore nba waa poor na yenɔ betin a n baar ki wun wannin Pebik na pooyookir na.