Rom Teeb 7:24 - Yennu Gbounpaauŋ Mɔɔr

²⁴ Aba, n tee parbiir daanɔe. Ŋmee sa fatin ki nyinnin gbanant nba saa nanin kuun ni na?

Yennu Gbouŋ Mɔɔr

²⁴ Aba, n tee parbiir daanɔe. Ŋmee saa fatin ki nyinnin gbanant nba saa nanin kuun ni na?

Rom Teeb 7:24 ပူးပေါင်းရင်းမြစ်များ

Matiu 5:4

“Binba mɔ ki fabin, parpeenn tee bi yare, kimaan Yennu sa maan bi parawa.

Matiu 5:6

“Binba ninbina mɔn ki bi para ni lakib nan Yennu toona, parpeenn tee bi yare, kimaan Yennu sa gboomm bi para nba lakib linba maŋ paak.

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Rom Teeb 6:6

Ti mi nan ti binbenkper na lakin ki kpo nan Yisa u dapunpunn paak, a ti binbenkper na ji daa mɔk yaak, ki ti ji kii tee daaba biit paŋ ni.

Rom Teeb 8:13

Li-i tee ki i waa gbanant loomm, i sa kpowa, ŋaan li-i tee ki i kpi gbanant loomm Yennu Seyeeŋ paŋ na paak, i sa la manfoor.

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

Rom Teeb 8:23

Li ki tee dunia bona na kuukɔɔ kaa ki li yiari, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan sa nyinn ki wann yeenin ni a ti tee u waase, ki te ki ti gbanant-n nyi daabsin ni.

Rom Teeb 8:26

Nnee mun ki Yennu Seyeeŋ na baar a wun sommit ti bakint ni, kimaan ti ki mi biaŋinba ki ti sii mei Yennu. Ŋɔɔ Yennu Seyeeŋ mɔŋe mei Yennu ki teent ki te ki ti kurii ki mei ti para ni ki ti mɔbona kan fit pak li paaki.

Kolosa teeb 2:11

Yimm nan u benu nie ki i gaar punpotu; ŋaan li ki tee nisaarik nuu pot i gbananti; Masia punpotu na nee nyinnit biit ni,

2 Timoti 4:18

Ŋɔɔe bia sa nyinnin bonbiit kura ni, ki kunnin ki kɔɔnin u naan nba be sanpaapo nan laafia. Ŋɔɔe yen dontir nan yoo nba kaa gbennu. Mɔmɔmm.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 2:15

ki nyinn binba tiin kuun jaŋmaanii na bi jaŋmaanii maŋ ni, kimaan bi din tee jaŋmaanii yommiie bi manfoa kur ni.

Fiitu 21:4

ki sa fiar bi ninnyuut kur bi ninbina ni; ki kuun nan parbiir nan mɔnii nan yiaru ji sii kaa, kimaan bonkpera na kur ji gara.”