Rom Teeb 6:22 - Yennu Gbounpaauŋ Mɔɔr

²² Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

Yennu Gbouŋ Mɔɔr

²² Ŋaan mɔtana i ji nyii biit daabisin niwa ki ji tee Yennu daabae; li paak ki i teen popeendamm, ki mɔk manfoor nba kaa gbennu; ŋanne tee i nyɔɔt.

Rom Teeb 6:22 ပူးပေါင်းရင်းမြစ်များ

Matiu 13:40

Biaŋinba ki bi tikir dinatimii na ki joo muu na, nnee ki li tan sii tee dunia gbennu daar.

Matiu 13:43

Ŋaan li yoo maŋ, yentina kur tan sii be bi Baa Yennu naan niewa ki nyirii kaman nan yennu nba nyirii na. Wunba mɔk tuba, wun gbiint.

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Matiu 25:46

Binba na tan sa saan ki saa la tubdatu nba kaa gbennu na, ŋaan ki yentina na-n mun saan kii sii be manfoor nba kaa gbennu ni.”

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 15:2

ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Jɔɔnn 4:36

Ki dijaara tan sa gaar bi paauk, ki dii nba ki bi jaan na mun, ŋamme tee niib nba tan sa la manfoor nba kaa gbennu, ki damm nba buur nan binba jaan, bi kur tan sii mɔk parpeenn bi dii maŋ paak.

Jɔɔnn 8:32

ki barmɔnii wannu maŋ sa nyinni yiar ni.”

Rom Teeb 6:14

Biit daa mɔk i yaak, kimaan sennu na ki yeniini, ŋaan Yennu ninbatinu nee yeni.

Rom Teeb 6:18

Mɔtana i ji ki tee biit daaba, ŋaan yentinue ji mɔk i yaak.

Rom Teeb 6:21

Toona nba ki i din tuun ki li mɔki fei mɔtana na, li mɔk nyɔlante ki turiini? Li toonbooru baat nan kuume.

Rom Teeb 7:25

N piak Yennu wunba fatin ki lun Yisa Masia ni na paak. Li paak, n mɔŋ waa Yennu sennu na n par ni, ŋaan ki n gbanant waa biit sɔnu na.

Rom Teeb 7:4

N naa waas, li mun tee nnee ki turi; i tee Masia gbanant bɔkire, ki din kpoe ki sennu na ji ki soini; ŋaan mɔtana i gaa nan Masia wunba din fiir kuun ni nee, a tii tuun linba ŋan ki tur Yennu.

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

1 Korint teeb 7:22

Wunba poŋ tuu tee daabir yoo nba ki u teen Masiaweirɔ na, u ji tee ti Yomdaanɔ yɔɔe; nnee mun, li-i tee ki a yen a mɔŋ yoo nba ki a teen Masiaweirɔ na, a ji tee Masia daabire.

2 Korint teeb 3:17

Ki ti Yomdaanɔ tee Seyeeŋ nae; ki siaminba ki ti Yomdaanɔ Seyeeŋ na be na, yentinmɔŋ be leŋe.

Galasia teeb 1:10

N ki yiab ma n gaar nisaarik pinpakit kaa, ŋaan Yennu yare ki n loon, kimaan mi-i loon nisaarik pinpakitie, n bo kan teen Masia daabiri.

Galasia teeb 5:13

N naa waas, Yennu yiini yentinmɔŋ nie, ŋaan i daa te ki i yentinmɔŋ maŋ tan te ki i niauŋ-n tan mann nyanniini. Ŋaan yimm-n jii loomm ki somm i leeb man.

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Efesus teeb 5:9

kimaan linba tee barmɔnii nan yentinu nan toonŋana kura tee yentu yare.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 4:17

Li ki tee a n loon mii gaan i piinii kuukɔɔ kaa, ŋaan n loon ki yin gaar Seyeeŋ nyɔɔt nba sa pukin i po.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

Taitus 1:1

Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

Hiibru teeb 12:14

Yabit kii mɔk parmaasir i leeb sinsuuk ni, kii mɔk binbenyeeŋ, kimaan sɔɔ-i kii mɔk ŋann, li yɔɔ tan kan la ti Yomdaanɔ.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

1 Piita 1:9

Ya teenɔ yada na, li paak i la tinnuwa.

1 Piita 2:16

I be nan yentinmɔŋ binbeŋ; ŋaan i daa dia i yentinmɔŋ binbeŋ na ki li teeni yaak ki i tuun toonbiiti, ŋaan kii mɔk Yennu daaba binbeŋ.

Fiitu 7:13

Ki saakab na yenɔ boin a “Ki binba lia liatfopeenii na tee lamme, bi nyii lee?”