Rom Teeb 6:19 - Yennu Gbounpaauŋ Mɔɔr

¹⁹ (Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Ya din jii i mɔŋ ki tuun toonbiit ki li nɔb na, mɔtana jiin man i mɔŋ kii tuun yentinu toona kii tee popeendamm.

Yennu Gbouŋ Mɔɔr

¹⁹ (Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Yaa din jii i mɔŋ ki tuun toonbiit ki li nɔb na, mɔtana, jiin man i mɔŋ kii tuun yentinu toona kii tee popeendamm.

Rom Teeb 6:19 ပူးပေါင်းရင်းမြစ်များ

Matiu 4:23

Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Rom Teeb 15:1

Timm nba ki ti yada chee na, li ŋan ki tii mɔk sukuru ki somm ti leeb nba yada daa ki chee na, ki daa tuun ti mɔŋ loomm kuukɔɔ kaa.

Rom Teeb 3:5

Ŋaan ti toonbiit-i fiit wann nan Yennu mɔk mɔnii, bee ki ti sa yeti? Wa dat ti tuba na paak, ki ti ji yet a u mɔk biitii? (Nisaarik dudukite ki n yet nna.) Aaii, n kan yet nna kaa.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

Rom Teeb 7:23

ŋaan ki n laat sennsiar nba tuun n gbanant ni, ki li ki sak nan sennu nba ki n par loon na, ki lorin nan dansarkɔɔrɔ na, a n sak biit nba be n ni na.

Rom Teeb 8:26

Nnee mun ki Yennu Seyeeŋ na baar a wun sommit ti bakint ni, kimaan ti ki mi biaŋinba ki ti sii mei Yennu. Ŋɔɔ Yennu Seyeeŋ mɔŋe mei Yennu ki teent ki te ki ti kurii ki mei ti para ni ki ti mɔbona kan fit pak li paaki.

1 Korint teeb 5:6

I dontinmɔŋ maŋ ki ŋani. I ki mi a datiŋ waaminnae te ki boroboro yon kur fuutir piirii?

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

1 Korint teeb 9:8

N jii nifosaarik binbeŋe ki yet nna; ŋaan Moses sennu na ki yet ŋann biakii?

Galasia teeb 3:15

N naa waas, ŋaant ki n jii nisaarik nan u lɔɔ binbeŋ ki bikin ki yin bann linba ki n beeri na paak: niib bannlee-i sak lor a bin tun siar ki pot mɔɔnu nan leeb, bi yenɔkɔɔ ji kan fit nyi u lɔɔ na poorpo nan waama.

Hiibru teeb 12:15

Guut i mɔŋ man ki tan daa kɔŋŋit Yennu ninbatinu na. I sɔɔ daa mɔk tonu u par ni, ki u tonu na-n baar nan parbiir leeb paak, ki biir niburchiauŋi.

Hiibru teeb 4:15

Ti mantɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni kaman nan ta mun laat biaŋinba na, ŋaan u lek din ki tun biiti.