Rom Teeb 6:12 - Yennu Gbounpaauŋ Mɔɔr

¹² Li paak, i daa te ki biit-n yent i gbanant ki te ki i tuun biit loommu.

Yennu Gbouŋ Mɔɔr

¹² Li paak, i daa te ki biit n yent i gbanant ki te ki i tuun biit loommu.

Rom Teeb 6:12 ပူးပေါင်းရင်းမြစ်များ

Rom Teeb 13:14

Yii tee man kaman nan ti Yomdaanɔ Yisa Masia nba tee biaŋinba na, ŋaan nyik i gbanant loonbiit, ki daa dukii li po jiki.

Rom Teeb 2:8

Ŋaan binba mɔk kunkɔna, ki ki sak linba tee barmɔnii na, ŋaan tuun toonbiit, Yennu wutoor sa do bi paak.

Rom Teeb 5:21

Li paak, biit nba din kpi nifosaarii ki te ki bi kpenn biaŋinba na, nnee mun ki Yennu ninbatinu paak te ki u yet a bi tee niŋamm u boor, ki turib manfoa nba kaa gbennu, ti Yomdaanɔ Yisa Masia paak.

Rom Teeb 6:14

Biit daa mɔk i yaak, kimaan sennu na ki yeniini, ŋaan Yennu ninbatinu nee yeni.

Rom Teeb 6:16

Fi-i jii a mɔŋ ki pet ki tur nirɔ ki tee u daabir ki saak u mɔb, li tee mɔniie nan a set tee u daabire. Fi-i sak ki tuun toonbiit, a tee biit daabire, ki li joontu tee kuume; ŋaan fi-i sak Yennu mɔb, a tee mɔsakdaanɔe, ki ŋanne sa te ki a teen niŋanɔ Yennu boor.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

Rom Teeb 8:13

Li-i tee ki i waa gbanant loomm, i sa kpowa, ŋaan li-i tee ki i kpi gbanant loomm Yennu Seyeeŋ paŋ na paak, i sa la manfoor.

2 Korint teeb 4:11

Yoo nba ki ti fo na ti be kuun nuu nie Yisa paak, a u manfoor nba be ti gbanant nba yaa lin tan kpo na-n nyi paanu ni.

2 Korint teeb 5:4

Ŋaan ti sei nba daa woo gbanant na ni na, ti kuriie. Li ki tee a ti ji ki loon gbanant na benu kaa, ŋaan ti loon sanpaapo gbanant na, a li daar ki manfoor na-n tan nak kuun ki lin gbenne.

Galasia teeb 5:16

Ŋaan n beerie, ŋaant ki Seyeeŋ-ii dia i binbeŋ man, ki daa te ki i niauŋ tuun nisaarik loommu.

Galasia teeb 5:24

Ki Yisa Masia nba yen binba na ŋanin poŋ din kpii bi nisaarik binbeŋ nan li loonbiit kura.

Efesus teeb 2:3

Barmɔnii, ti kura mun din naan kaman nan li nibooru nee, ki waa ti gbanant niauŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Efesus teeb 4:22

Li paak, yabit i mɔŋ man ki nyann niauŋ nba be i binbekperik nba na ni.

1 Tesalonika teeb 4:5

ki daa tuun nna nan nianbiiuk binbeŋ kaman nan binba ki mi Yennu nba be biaŋinba na.

2 Timoti 2:22

Nyint a mɔŋ nan naasimm nianbiiuk ni, ŋaan kot ki fin nan binba para yeen ki bi yi ti Yomdaanɔ ki loon sommir na-n wei yentinu sɔnu, nan yada sɔnu, nan loomm sɔnu, nan parmaasir sɔnu.

Taitus 2:12

Li ninbatinue wannit a tin nyik linba kur ki tee yentinu na, nan tingbouŋ na loonbiit, ŋaan dia ti mɔŋ, kii be fanu, kii tiin Yennu tingbouŋ na ni,

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

1 Piita 1:14

I sak Yennu mɔb man, ki ji daa waa loonbiit nba ki i din waa yoo nba ki i din ki mi Yisa Masia na.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Juud 1:18

Bi din yet a “Dajoontii daa maŋ ni, niib nba waa bi mɔŋ gbanant loonbiit na tan sa fiir ki sarikiti.”