Rom Teeb 5:2 - Yennu Gbounpaauŋ Mɔɔr

² U paake ki Yennu tint ninbaauk ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu sa turit na.

Yennu Gbouŋ Mɔɔr

² U paake ki Yennu tint ninbaauk, ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu saa turit na.

Rom Teeb 5:2 ပူးပေါင်းရင်းမြစ်များ

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Jɔɔnn 10:7

Li paak, ki u bia ŋamm ki betib a “Barmɔniie ki n beeri na, mine tee pelook na tammɔb.

Jɔɔnn 10:9

Mine tee tammɔb na, ki daanɔ nba wein ki kɔɔ, ŋɔɔe sa la tinnu, ki sii yɔɔ gaar kɔɔ, ki ŋmat nyi, ki laat jeŋant.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Toona 14:27

Bi baaru Antiok maŋ nie, ki bi tikir Yisaweira na, ki tan betib linba kur ki Yennu tun namm, nan wa loot sɔnu biaŋinba ki tur binba ki tee Juu teeb a bin teen Yisa yada ki teen u weira.

Rom Teeb 11:20

Li set tee mɔniie; ba ki teen yada na paake ki u kɔnnib, ki fin nba teen yada na paake ki u jiin tukina li paak. Ŋannimi a ji daa mɔk parbifaant dudukit li paaki, ŋaan kii mɔk jaŋmaanii.

Rom Teeb 12:12

ŋaan kii mɔk parpeenn i dindann paak, kii mɔk mintir i fardinu sinsuuk ni, ŋaan kii mei Yennu yoo kur;

Rom Teeb 14:4

Ki a tee ŋmee ki sa biir sɔɔ toontunnɔ? Li tee u mɔŋ Yudaanɔ nee sa yet wa dii nan wa baa, ki u set sa diwa kimaan ti Yomdaanɔ mɔk paŋ nba sa te ki wun di.

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Rom Teeb 3:23

kimaan nifosaarii kur tun toonbiit ki ki be fanu kaman nan Yennu nba loon biaŋinba na.

Rom Teeb 5:5

ki dindann maŋ ni ti tan kan di fei, kimaan Yennu jii loomm nba ki u mɔk na ki teen ti para ni, u Seyeeŋ nba ki u turit na paak.

Rom Teeb 8:1

Tɔn, mɔtana Yennu kan bu ki biir binba be Yisa Masia ni,

Rom Teeb 8:24

Ta la tinnu nee ki ti mɔk dindann na. Tɔn, nirɔ-i la linba ki u bo mɔk dindann li paak na, ŋann ŋanin, li ji ki tee dindann. Ki ŋmee jin sii mɔk dindann nan linba ki u poŋ lar paaki?

1 Korint teeb 15:1

N naa waas, n loon ki n tiari barŋanii nba ki n din mɔɔnt ki turi, ki i gaar ki diar fanu na poe.

2 Korint teeb 3:18

Li paak, chinchenn maŋ ji ki dɔɔk ti kura nunii po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naan nanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boor nie.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

Efesus teeb 2:18

Masia paake ki Juu teeb nan binba ki tee Juu teeb na kura fit baar ti Baa Yennu maŋ boor ni, u Seyeeŋ yenɔkɔɔ ni.

Efesus teeb 3:12

Ta teen Masia yada ki be u ni na, li paak, ki ti mɔk yuugontir ki sa baar Yennu boor nan parcheenn.

Efesus teeb 6:13

Li paak, yi jii Yennu naagbankɔŋŋir na ki lia, ki fit set dabiir nba tan sa baar maŋ daar, ki daa nyikiti.

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 6:18

Li paak, bona ŋannlee nba kaa lebitu na be ki wann nan Yennu set sa gbeen u mɔsonn maŋ. Li paak, timm nba chiar saan u boor ni ki tinn na mɔk parcheenn ki gaar dindann nba be ti tɔɔnn po na chib.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

Fiitu 21:11

ki nyirii nan Yennu yentsaakar na, ki bia nyirii kaman nan tanŋann nba ki bi yir jaspa na, ki nyɔkit kaman nan mianu na.

Fiitu 21:23

Ki doo maŋ ki loon ŋmaarik amii yennu yentu leŋi, kimaan Yennu yentsaakar nee tee li yentu, ki Pebik na mun tee li fitir.

Fiitu 21:3

Ki n gbat ki kunkɔsaakar nyii naangbouŋ na boor ki yeen a “Nnara, Yennu ŋaak ji be nifosaarii boore, a ki ŋɔɔ Yennu sii be namm, ki bi sii tee u niib, a ki ŋɔɔ Yennu mɔŋ sii be bi boor ki sii tee bi Yennu,

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.