Rom Teeb 5:17 - Yennu Gbounpaauŋ Mɔɔr

¹⁷ Niyenɔkɔɔ maŋ toonbiiuk paake ki kuun kpi sɔɔ kur, ki li nyii niyenɔ maŋ boore; ŋaan linba wei niyenɔkɔɔ Yisa Masia toonn na gar nnawa; niib kur nba la Yennu ninbatinu nba yab, nan u piinii nba tee nyikinchab piinii na, bi sa di naan kii mɔk manfoa Yisa Masia paak.

Yennu Gbouŋ Mɔɔr

¹⁷ Niyenɔkɔɔ toonbiiuk paake ki kuun kpi sɔɔ kur, kimaan niyenɔ maŋ paak; ŋaan linba wei, niyenɔkɔɔ Yiisa Masia toonn na gar nnawa; niib nba kur la Yennu ninbatinu nba yab, nan u piinii nba tee nyikinchab na, bi saa la nyannu nan manfoor, Yiisa Masia paak.

Rom Teeb 5:17 ပူးပေါင်းရင်းမြစ်များ

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Jɔɔnn 10:10

Nanyukɔɔ ŋarin baat a wun tan jan pei nae, ki bia kpib, ki bia biirib. Mine baar a niib-n la manfoor nba tee manfoor nan barmɔnii.

Rom Teeb 5:12

Tɔn, niyenɔkɔɔe din te ki biit baar tingbouŋ na ni, ki u biit na paake te ki kuun be. Li paake te ki kuun kpi niib kur, kimaan nisaarik kur tun toonbiita.

Rom Teeb 5:15

Ŋaan bi bannlee na ki jan, kimaan Yennu piinii nba ki u pit yann na ki tee kaman nan Adam toonbiit na kaa. Li tee mɔniie nan niib bonchiann kpo niyenɔkɔɔ toonbiit paake; Yennu ninkpabauŋ yab, ki u piinii nba ki u teen niib bonchiann ki li nyii yenɔkɔɔ Yisa Masia ninkpabauŋ na mun bia yab.

Rom Teeb 5:20

Sennu na baar a lin ŋamm fiit wann toonbiit nba yab biaŋinbae; ki toonbiit nba yab na, Yennu ninbatinu mun yab ki gar nna.

Rom Teeb 6:14

Biit daa mɔk i yaak, kimaan sennu na ki yeniini, ŋaan Yennu ninbatinu nee yeni.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

Rom Teeb 8:39

linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

1 Korint teeb 15:49

Ti kura gbanant tee kaman nan Adam wunba nyii tant ni yar nee; dasiar ti bia tan sii tee kaman nan jɔɔ nba nyii Yendɔuŋ ni na yar nie.

1 Korint teeb 4:8

I poŋ mɔk linba kur ki i loonii? i poŋ teen gordammaa? ta lek kaa i boor nna, ŋaan i tee kpanbara-aa? N poŋ loon yin set tee kpanbara nan barmɔnii, ki timm nan yimm-n taan teen kpanbara.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.

1 Timoti 1:14

Ki ti Yomdaanɔ Yisa Masia din tan tinin ninbaauk nba yab ki kaa bikinu, ki te ki n teenɔ yada ki loonɔ.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

Fiitu 1:6

ŋaan te ki ti tee u naan ni niib nba tee manteeb, a tin tun u Baa Yennu toonn; ŋɔɔe yen paku nan paŋ mɔkmɔk nan yoo nba kaa gbennu. Mɔmɔmm.

Fiitu 20:4

Ki n la naangbant, ki Yennu tur binba kar li paak na yaak a bin bu buut. Ki n bia la binba ki bi din pot bi yura na sei; ba din mɔɔntir Yisa barŋanii nan Yennu mɔmaan paak ki bi kpiib; bi din ki jiant bonkobuk na, amii li naauŋ na, amii bi bia din ki gaar bonkobuk maŋ dɔk bi yugbia paak amii bi nii ni. Bi fiir kuun nie ki lakin dii naan nan Masia bintusir. Nee tee sinsinn kpeemm fiiru.

Fiitu 20:6

Binba dɔŋ sinsinn kuun fiiru na ni, bi tee popeendamm, ki parpeenn bia tee bi yare; kuun nba pukin munnlee na ki mɔk bi yikoo; bi sii tee Yennu nan Masia manteebe, ki sa lakin di naan nan Yisa bintusir.

Fiitu 22:5

Nyiɔk ji tan sii kaa, bi tan ji kii loon fitir nan yennu yentu leŋi, kimaan ti Yomdaanɔ Yennu sii tee bi yentu. Ki bi sa di naan kii be nan yoo nba kaa gbennu.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.