Rom Teeb 5:14 - Yennu Gbounpaauŋ Mɔɔr

¹⁴ Adam yoo neewa ki tan tuu Moses yoo, ki kuun lek mɔk yikoo sɔɔ kur paak, ki li kpi binba mɔk biit nba ki tee kaman nan Adam biit nba din tee biaŋinba na. Tɔn, Adam din tee wunba din yaa wun wei poor na ninnauŋo.

Yennu Gbouŋ Mɔɔr

¹⁴ Laa nyii Adam yoowa ki tan tuu Moses yoo, kuun lek mɔk yiikoo sɔɔ kur paak, ki kpi binba mɔk biit nba ki tee nan Adam biit nba din tee biaŋinba na. Tɔn, Adam din tee wunba din yaa wun wei poor na ninnauŋo.

Rom Teeb 5:14 ပူးပေါင်းရင်းမြစ်များ

Rom Teeb 5:12

Tɔn, niyenɔkɔɔe din te ki biit baar tingbouŋ na ni, ki u biit na paake te ki kuun be. Li paake te ki kuun kpi niib kur, kimaan nisaarik kur tun toonbiita.

Rom Teeb 5:17

Niyenɔkɔɔ maŋ toonbiiuk paake ki kuun kpi sɔɔ kur, ki li nyii niyenɔ maŋ boore; ŋaan linba wei niyenɔkɔɔ Yisa Masia toonn na gar nnawa; niib kur nba la Yennu ninbatinu nba yab, nan u piinii nba tee nyikinchab piinii na, bi sa di naan kii mɔk manfoa Yisa Masia paak.

Rom Teeb 5:21

Li paak, biit nba din kpi nifosaarii ki te ki bi kpenn biaŋinba na, nnee mun ki Yennu ninbatinu paak te ki u yet a bi tee niŋamm u boor, ki turib manfoa nba kaa gbennu, ti Yomdaanɔ Yisa Masia paak.

Rom Teeb 8:20

kimaan dunia bona kur din biira ki ji ki mɔk nyɔɔti, li din ki tee li loomm kaa, li din tee Yennu loomme ki li teen nna; ŋaan ki u bia lek ŋaan ki li mɔk dindann.

Rom Teeb 8:22

Ti mi nan li yiar dunia bona maŋ ki tan tuu mɔtana kaman nan poo nba tuu mɔ matyiaru ki kurii biaŋinba na.

1 Korint teeb 15:22

Kimaan Adam paake ki nifosaarii kur kpenn; nnee mun Masia paak nifosaarii sa la manfoa.

1 Korint teeb 15:45

Kimaan li sɔb Yennu gbouŋ ni a “Sinsinn nirɔ Adam na din tee nifosaarike;” ŋaan nirɔ nba joont ki baar na tee Seyeeŋ nba teent manfoore.

Hiibru teeb 9:27

Yennu senn a see ki nirɔ kur-n kpo yomkɔɔ, ki li poorpo Yennu-n bu u buut.