Rom Teeb 5:11 - Yennu Gbounpaauŋ Mɔɔr

¹¹ Ŋaan li kur kaa na; ti bia mɔk parpeenn Yennu nba sommit bonchiann biaŋinba ti Yomdaanɔ Yisa Masia paak, kimaan u paake ki Yennu teent u yɔɔsinba mɔtana.

Yennu Gbouŋ Mɔɔr

¹¹ Ŋaan li kur kaa na; ti bia mɔk parpeenn Yennu nba sommit bonchiann biaŋinba, ti Yomdaanɔ Yiisa Masia paak na, kimaan u paake ki Yennu ji teent u yɔɔsnba.

Rom Teeb 5:11 ပူးပေါင်းရင်းမြစ်များ

Barŋanii nba ki LUK din sɔb nae na 1:46

Ŋanne ki Mari ji din yet a “N piak Yennu n par ni,

Jɔɔnn 1:12

Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Rom Teeb 11:15

Yennu nba din yêt Juu teeb na, ki u ji te ki tingbouŋ na teeb soorɔ yɔɔs; Yennu-i ŋmant ki gaarib ki bi tee u niib, li ji sii tee nlee? Li sii tee manfoore ki tur kpeemm.

Rom Teeb 2:17

Gotir, a yi a mɔŋ Juu nirɔe, ki mɔk parbifaanu a sennu na tee a yare, a li paak a a tee Yennu yɔɔe,

Rom Teeb 5:1

Tɔn, ta teen Yisa yada na paake, ki Yennu yet a ti tee niŋamm u tɔɔnn, ki parmaasir ji be timm nan Yennu sinsuuk ni ti Yomdaanɔ Yisa Masia paak.

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Rom Teeb 5:3

Ti bia mɔk parpeenn ti fardinu ni, kimaan ti mi nan fardinu baat nan sukurue,

Rom Teeb 8:23

Li ki tee dunia bona na kuukɔɔ kaa ki li yiari, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan sa nyinn ki wann yeenin ni a ti tee u waase, ki te ki ti gbanant-n nyi daabsin ni.

Rom Teeb 9:10

Ŋaan li kur kaa na. Ti yaa Rebeka din mar waas bannlee ki bi taa baa, wunba tee ti yeja Aisak.

1 Korint teeb 10:16

Niipoouk turu ŋmanbanyuutik nba ki ti tuu tur Yennu niipoouk ŋaan nyu leŋ na paak, ŋanne see Masia sɔn ni; ki boroboro nba ki ti tuu ŋmit ŋmit ki ŋman na, ŋanne mun bia see Masia gbanant ni.

2 Korint teeb 8:19

Bi bia gannɔ a wuu waa-t ki ti somm Yennu niib nba tee tarii na. Linba nee sa dont ti Yomdaanɔ sann, ki bia wannib nan ti set loon ti leeb sommir.

Galasia teeb 4:9

ŋaan mɔtana i bann Yennuwa, ki Yennu mun mi-i, li jin teen nlee ki i loon ki i ŋmat tunn ki wei bonsiar nba ki mɔk yaak nba sa sommi na boor ni? Bee teen ki i jin loon ki i bia kpant bi daaba?

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Filipi teeb 3:1

Li gbennu nira, n naa waas, yii mɔk parpeenn yimm nan ti Yomdaanɔ benu ni. Min yaa baka kaa nan ma ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Filipi teeb 4:4

Yii mɔk parpeenn yoo kur, yimm nan ti Yomdaanɔ benu ni. N bia ŋammit beeri ma yii mɔk parpeenn man.

Kolosa teeb 2:6

Biaŋinba ki i din poŋ gaar Yisa Masia a wuu tee i Yomdaanɔ na, yii be u ni nna man,

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada ki mɔk parpeenn bonchiann nba ki nirɔ kan fit yet li manu nba tee biaŋinba.