Rom Teeb 5:10 - Yennu Gbounpaauŋ Mɔɔr

¹⁰ Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Yennu Gbouŋ Mɔɔr

¹⁰ Ti din tuu tee Yennu dataie, ŋaan mɔtana jik u teent u yɔɔsnbae, kimaan u Bija nba din kpo na sɔn paak, ki taa tee u yɔɔsnba na, birsuk ji kaa, u saa tinnit u manfoor paaka.

Rom Teeb 5:10 ပူးပေါင်းရင်းမြစ်များ

Jɔɔnn 14:19

Ki li-i yann waaminna, tingbouŋ na ŋaateeb ji kan lami, ŋaan yimm ŋarin bia sa lama. Tɔn, ma tan sa jen n manfoor ni na, i mun tan sa jen i manfoa niwa.

Jɔɔnn 5:26

N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib,

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 6:57

“N Baa Yennu nba be nee yen manfoor, ŋaan tumin, ki u paak ki n mun mɔk manfoor maŋ ki be. Li mun bia sii tee nnee, li-i tee ki wunba ŋman n gbanant, n paak, u sii mɔk manfoor maŋ.

Rom Teeb 11:28

Juu teeb nba din ki sak Yisa barŋanii na paake, ki bi teen Yennu datai, ki li te ki yimm nba ki tee Juu teeb na la tinnu; Yennu nba din gann Juu teeb booru ki loomm na, bi yejamm paake te ki u loomm;

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba ti Yomdaanɔ Yisa Masia paak, kimaan u paake ki Yennu teent u yɔɔsinba mɔtana.

Rom Teeb 5:6

Kimaan yoo nba ki ti daa din ki mɔk sommir na, Masia din gaar timm biitdamm paak ki kpo, ki li tee yoo nba ki Yennu din ganne.

Rom Teeb 8:32

Yennu ki minnit u mɔŋ Bija na, ŋaan jiiu ki turit; ŋɔɔ Yennu turit u Bija maŋ, ki nlee ki u ji kan turit linba kur biari?

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

Rom Teeb 8:7

Fi-i jii a yan ki gaan nisaarik loomm ni, a tee Yennu dataake, ki ki saak Yennu sennu, ki set kan fit ki sakiri.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsinba.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Efesus teeb 2:16

U dapunpunn paak kuun maŋ te ki u biir dataar maŋ bi sinsuuk ni, ki jiib ki taamm booru yenɔkɔɔ ki jen namm Yennu boor ni.

Efesus teeb 2:3

Barmɔnii, ti kura mun din naan kaman nan li nibooru nee, ki waa ti gbanant niauŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

1 Jɔɔnn 2:1

N waas, n ki loon ki yii tuun toonbiiti. Li paake te ki n sɔbin ki teeni na, ŋaan li-i tee ki sɔɔ tun toonbiit, ti mɔk sindantinnɔ ti Baa Yennu boor ni, ki ŋɔɔe tee Yisa Masia, wunba tee popeendaanɔ na.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;