Rom Teeb 4:6 - Yennu Gbounpaauŋ Mɔɔr

⁶ Nnee ki David din yet a daanɔ nba ki Yennu jiiu ki u tee niŋanɔ u tɔɔnn ki li ki tee a u toonŋana paak kaa, li daanɔ mɔk parpeenn bonchiann.

Yennu Gbouŋ Mɔɔr

⁶ Nnae ki Defid din yet a daanɔ nba ki Yennu jiiu ki u tee niŋanɔ u tɔɔnn ki li ki tee u toonŋana paaki, li daanɔ mɔk parpeenn bonchiann.

Rom Teeb 4:6 ပူးပေါင်းရင်းမြစ်များ

Matiu 25:19

“Li din yukir bonchiann, ki ŋaadaanɔ maŋ din tan jen, ki yiin u daaba na, a wun kan bi likirii maŋ, ki la ba la nyɔɔt biaŋinba.

Rom Teeb 1:17

Barŋanii maŋ want nan Yennu yet a nirɔ tee niŋanɔ u tɔɔnn, yada teenu paake; nee nyii paanu ki tur binba teen Yisa yada, kaman nan la sɔb u gbouŋ ni biaŋinba na a “Wunba teen niŋanɔ Yennu boor u yada na paak, li daanɔ sii mɔk manfoor nba kaa gbennu.”

Rom Teeb 3:27

Li paak, siar be ki ti mɔk parbifaant nannii? Aaii, li ki tee a nifosaarik nba waa sennu na paak kaa ki ti sa la tinnu, ŋaan li tee ta teen Yisa Masia yada na paake.

Rom Teeb 4:11

U din pota, ŋaan u potu maŋ tee siara nba want nan u yada maŋ paake ki Yennu poŋ din jiiu ki u tee niŋanɔ, li poorpoewa ki u ji tan pot. Li paak, binba kur tee Yennu yada ŋaan ki pot na, Abraham tee bi baae; ba tee Yennu yada paake, ki Yennu yib niŋamm.

Rom Teeb 4:24

ŋaan li sɔb ki teen timm nba ki Yennu sa gaarit mun ki ti tee niŋamm u tɔɔnn, kimaan ta teenɔ yada, ŋɔɔ Yennu wunba fiin ti Yomdaanɔ Yisa kuun ni na.

Rom Teeb 4:5

Ŋaan nirɔ nba ki teen sennu weiu na yada, ŋaan teen Yennu wunba nyikit biitdamm bi biit ki chabitib na yada, Yennu sa jii li daanɔ ki u tee niŋanɔ u tɔɔnn; li daanɔ yada paake ki Yennu sa jiiu.

Rom Teeb 4:7

David din yet a “Damm nba ki Yennu nyik bi biit ki chabib ki kpeen bi biit na, bi mɔk parpeenn;

Rom Teeb 4:9

Li parpeenn maŋ tee binba pot na kuukɔɔe yar amii? Aaii, nan binba ki pot na mun yaa yare. Ti poŋ bo yet a li sɔb Yennu gbouŋ ni a “Abraham din teen Yennu yadae, ki u yada maŋ paake ki Yennu jiiu ki u tee niŋanɔ u tɔɔnn.”

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 3:14

Yisa Masia din tun linba na a ŋɔɔ yaa paak ki binba ki tee Juu teeb-n mun la mɔsonŋann nba ki Yennu din senn Abraham paak; a ti-i teen yada tin gaar Seyeeŋ nba ki Yennu din senn mɔsonn a wun turit na.

Galasia teeb 4:15

I din mɔk parpeenn; ki bee te ki i ji ki mɔki? N mɔŋ sa yet nan li-i diŋŋi bo-i sa fit, i din bo sa sak ki nyinn i mɔŋ ninbina ki turima;

Efesus teeb 1:3

Ŋaant ki ti tur Yennu wunba tee ti Yomdaanɔ Yisa Masia Baa na niipoouk man, kimaan ta be Yisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

Jeems 2:18

Li-i tee ki nirɔ yet a “Sɔɔe mɔk yada, ki lɔɔ mun tuun toonŋana,” n mun sa jiin a “Li-i tee ki a ki tuun toonŋana, lannpoe want nan a set mɔk yada? Ŋaan n toonŋana nee wanta nan min set mɔk yada.”

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.