Rom Teeb 4:2 - Yennu Gbounpaauŋ Mɔɔr

² Wa din waa sennu na-i diŋŋi te ki Yennu yet a u tee niŋanɔ u tɔɔnn, u bo sii mɔk linba bo sa te ki u mɔk parbifaant, ŋaan u kii mɔk parbifaant Yennu tɔɔnni.

Yennu Gbouŋ Mɔɔr

² Waa din waa sennu na-i diŋi te ki Yennu yet a u tee niŋanɔ u tɔɔnn, u bo sii mɔk linba saa te ki u mɔk parbifaant, ŋaan u ki mɔk parbifaant Yennu tɔɔnni.

Rom Teeb 4:2 ပူးပေါင်းရင်းမြစ်များ

Rom Teeb 15:17

Yisa Masia paake ki n mɔk yuugontir Yennu toonn ni;

1 Korint teeb 1:29

U teen nnee a sɔɔ daa nyu bara u boor.

1 Korint teeb 1:31

Li paak, yii tuun linba sɔb Yennu gbouŋ ni a “Wunba nyu bara, wun nyu bara maŋ ti Yomdaanɔ Yennu paak.”

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

1 Korint teeb 9:16

Li ki tee a n mɔk parbifaanu barŋanii nba ki n mɔɔntir na paak kaa, kimaan li kpaa talas ki n mɔɔntir. Mi-i kii mɔn barŋanii na, parbiir sii tee n yare.

2 Korint teeb 11:12

N lek bia sii beeri Yennu mɔmaan na, ŋaan n kan mi ki boi-i li paatii po. Li paak, kpinkpannii damm maŋ nba gaan paatii na kan fit donn bi mɔŋ ki yet a bi mun tee kaman nan timm na.

2 Korint teeb 11:30

Mi-i faa parbiir, n sii faa parbiir n kpinkpant baŋŋu paake.

2 Korint teeb 5:12

Ti ki dont ti mɔŋ kaa i boor ni, ŋaan ti loon ki tin turi yaak ki yin fit fa parbia ti paak, ki fit pak tur binba gorii nifosaarik nanyer po ki mɔk yuugontir u paak, ŋaan ki gorii u binbeŋ ni na.

Galasia teeb 3:22

Ŋaan li sɔb Yennu gbouŋ ni a sɔɔ kur saaka mɔk biite, a Yennu-n tur binba teen Yisa Masia yada na piinii nba ki u din senn mɔsonn a u sa turib na; bi yada maŋ paake ki u sa turib.

Efesus teeb 2:9

Sɔɔ kan fit nyu bara li paaki, kimaan li ki tee u tiauŋ toona nyɔɔt kaa; li tee Yennu piiniie.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.