Rom Teeb 4:13 - Yennu Gbounpaauŋ Mɔɔr

¹³ Yennu din senn mɔsonn ki tur Abraham nan u yaaboona a tingbouŋ na tan sii tee bi yare, li din ki tee nan Abraham nba waa sennu na paak kaa ki Yennu senn li mɔsonni, ŋaan li din tee u yada paake nan Yennu nba din jiiu ki u tee niŋanɔ u tɔɔnn na.

Yennu Gbouŋ Mɔɔr

¹³ Yennu din senn mɔsonn ki tur Abraham nan u yaaboona a tingbouŋ na tan sii tee bi yare, li din ki tee Abraham nba waa sennu na paak kaa ki Yennu senn li mɔsonni, ŋaan li din tee u yada paake ki Yennu jiiu ki u tee niŋanɔ u tɔɔnn.

Rom Teeb 4:13 ပူးပေါင်းရင်းမြစ်များ

Toona 13:32

“Ŋanne te ki ti baar i peŋ na a tin wanni Yennu barŋanii. Tɔn, Yennu nba din senn ti yejamm mɔsonn na, u ji gbeen ki tur timm nba tee bi yaaboona nawa, nan wa din fiin Yisa u kuun ni na. Nnee ki li sɔb Yennu gbouŋ ni, yanii nba tee munnlee na yanii gbouŋ nɔɔk ni, a ŋɔɔ Yennu yetɔ a ‘Fine tee n Bija, ki dinne ki n sa wann niib nan n set tee a Baa.’

Rom Teeb 4:12

Abraham tee binba pot na mun yaa baae, li ki tee a ba pot na paak kaa, ŋaan ba bia waa biaŋinba ki ti baa Abraham din teen Yennu yada na, li poorpoewa ki u din tan pot; bi yada paake ki Abraham tee bi baa.

Rom Teeb 9:8

Li paak, binba ki Abraham marib nifosaarik maaru na ki tee Yennu waasi. Binba tee Yennu mɔsonn maaru waas na, ŋamme set tee Yennu waas.

Galasia teeb 3:29

Ki i-i tee Masia yabie, ŋann i tee Abraham yaaboonae, ki tan sa gaar piinii nba ki Yennu din senn mɔsonn a u sa turib na.

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

Hiibru teeb 7:6

Melkisedek din ki tee Liifai teeb yaaboonn kaa, ŋaan u din gaar bona piik ni yennkɔɔ Abraham boor, ki bia senn mɔsonŋann ŋɔɔ Abraham wunba din gaar Yennu mɔsona na paak.