Rom Teeb 3:5 - Yennu Gbounpaauŋ Mɔɔr

⁵ Ŋaan ti toonbiit-i fiit wann nan Yennu mɔk mɔnii, bee ki ti sa yeti? Wa dat ti tuba na paak, ki ti ji yet a u mɔk biitii? (Nisaarik dudukite ki n yet nna.) Aaii, n kan yet nna kaa.

Yennu Gbouŋ Mɔɔr

⁵ Ŋaan ti toonbiit-i fiit wann nan Yennu mɔk mɔnii, ki ti saa yet a bee? Waa daar ti tuba na paake ki ti ji saa yet a u mɔk biiti-i? (Nisaarik dudukite ki n yet nna.) Aaii, n kan yet nna kaa.

Rom Teeb 3:5 ပူးပေါင်းရင်းမြစ်များ

Rom Teeb 12:19

N naa walonkai, i kpan daa tuun biit ki jiint biit paaki, ŋaan ŋaant ki Yennu-n pa pann maŋ ki dat bi tuba ki jiin. Li sɔb Yennu gbouŋ ni a ti Yomdaanɔ yet a “Min kuukɔɔe mɔk yaak nba ki sa dat niib tuba; mine sa jiin ki tun biit maŋ.”

Rom Teeb 2:5

Ŋaan a par wakii ki a lek ki sak nan fan nyik toonbiit tumu na, li paak, a pukii a mɔŋ fara nba ki a tan sa la daar nba ki Yennu tan sa bu niib buut nan barmɔnii, ki u wutoor na tan sa nyi paanu;

Rom Teeb 3:19

Tɔn, ti mi nan Yennu sennu-i yet linba, li yeen ki teen binba be li yikoo ni, li paake ki niib kur sii muu bi mɔi, ki tingbouŋ na teeb kur be Yennu buut ni, ki u tɔɔnn sɔɔ kaa ki mɔk mɔnii.

Rom Teeb 3:7

Tɔn, sɔɔ-i boi a “N faak na-i want nan Yennu set tee barmɔnii daanɔ, ki bia tee ki niib-n turɔ baakir, bee teen ki u sa dat n tubir a n tee biitdaanɔ?”

Rom Teeb 4:1

Tɔn, ti sa yet a bee ki jikit saa ti yeja Abraham po, nan u binbeŋ po?

Rom Teeb 5:8

ŋaan Yennu wann nan u set loonit bonchiann kimaan ta din tee biitdamm na Yisa Masia din gaar ti paak ki kpo.

Rom Teeb 6:1

Li paak, ti sa yet nlee? Ti bia sii be ti toonbiit tumu nie ki Yennu ninbatinu na-n pukin amii-ii?

Rom Teeb 6:19

(Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Ya din jii i mɔŋ ki tuun toonbiit ki li nɔb na, mɔtana jiin man i mɔŋ kii tuun yentinu toona kii tee popeendamm.

Rom Teeb 7:7

Li paak, ti sa yet a nlee? Ti sa yet a sennu na ki ŋan amii? Ti kan yet nna kaa. Sennu na-i bo-i kaa, n bo kan bann biit nba tee linba. Sennu na-i bo-i kii wann a n daa mɔk niauŋ n lɔɔ bont paaki, n bo kan bann niauŋ nba tee linba,

Rom Teeb 8:31

Ti-i kpaa ti ninbina ki got linba na kur paak, ti sa yet a nlee? Li-i tee ki Yennu be ti po, ŋmee ji be ki sa biiriti?

Rom Teeb 9:30

Tɔn, ti sa yet nlee? Binba ki tee Juu teeb na din ki kor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada na paak.

1 Korint teeb 15:32

Ki min nan Efesus doo ni bonkobibiit kɔn, ki mi-i tee nifosaarik nba kan fiir kuun nie, li nyɔɔt tee lanne ki turimi? Kpeemm-i kii fi kuun ni, ŋaant man ki tii di kii nyu ŋaan kii mi nan ti won sa kpo.

1 Korint teeb 9:8

N jii nifosaarik binbeŋe ki yet nna; ŋaan Moses sennu na ki yet ŋann biakii?

2 Korint teeb 6:4

Ti binbeŋ nba tee biaŋinba nae want niib nan ti set tee Yennu toontunnae, kimaan ti laat fara, nan muksuk, nan maan, ŋaan lek di sukuru li kur na ni.

2 Korint teeb 7:11

Yennu nba te ki i la parbiir na, i mɔŋ la biaŋinba ki li turi nyɔɔta; i baka be Yennu labaar ni, ki i bia loon ki i wann nan i ki mɔk biiti; i bia tiin Yennu; i loon ki i bia lan; i bia loon ki i tun Yennu loomm; i poŋ dat biitdaanɔ na tubira. Ya tun nna maŋ na, li set want nan i ki mɔk bisiat labaar maŋ ni.

Galasia teeb 2:18

Kimaan mi-i jiŋŋi piin ki sent sennu sɔnu nba ki n din biira naie, ŋann want nan n mɔŋ tee sennu maŋ biirtɔɔe na.

Galasia teeb 3:15

N naa waas, ŋaant ki n jii nisaarik nan u lɔɔ binbeŋ ki bikin ki yin bann linba ki n beeri na paak: niib bannlee-i sak lor a bin tun siar ki pot mɔɔnu nan leeb, bi yenɔkɔɔ ji kan fit nyi u lɔɔ na poorpo nan waama.

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pebik na yaŋ a “Ti Yomdaanɔ Yennu nba mɔk paŋ kur, a toona tee toonjaana nba yaar ŋaan litit, a sɔnii took ki bia tee barmɔnii. Fine tee nibooru kur Kpanbar.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yisa toomiinba, i mɔk man parpeenn, kimaan Yennu bu dogbeŋŋir maŋ buut ki biirɔ ki turi.