Rom Teeb 3:4 - Yennu Gbounpaauŋ Mɔɔr

⁴ Aaii, li ki want nna kaa. Niib kur-i bo-i tee fai damm, ŋaan Yennu ŋanin tee barmɔnpakirɔɔe. Li waa nan la sɔb Yennu gbouŋ ni biaŋinba nee a “Niib-i bu fin Yennu buut, bi sa la ki a mɔk mɔnii, ki bia di mɔniie.”

Yennu Gbouŋ Mɔɔr

⁴ Aaii, li ki want nna kaa. Niib kur-i bonni tee fai damm, ŋaan Yennu ŋarin tee barmɔnpakirɔe. Li waa nan laa sɔb Yennu gbouŋ ni biaŋinba nae a: “Fin Yennu-i pak, bi saa la nan a mɔk mɔnii, ki bii bu a buut, a bia saa di mɔniie.”

Rom Teeb 3:4 ပူးပေါင်းရင်းမြစ်များ

Matiu 11:19

ki min nisaarik Bik mun tan baar ki di ki nyu, ŋaan ki i bia yaa a ‘Gotir jɔɔ na! u tee podaanɔ nan danyuruko, u bia tee lampogaarteeb nan biitdamm yɔɔke.’ Tɔn, Yennu nba tuun biaŋinbae want nan u mɔk yan nba ŋan.”

Barŋanii nba ki LUK din sɔb nae na 20:16

U sa baar ki kpib, ŋaan bia jii kpaab maŋ ki tur leeb.” Niib maŋ nba gbat linba na ki bi yet a “Yennu-n bɔr ŋann.”

Jɔɔnn 3:33

Ki bia jenna, ki wunba gaar u maan maŋ, li want nan ŋɔɔe saak nan Yennu maan maŋ tee barmɔnii.

Rom Teeb 11:1

N loon ki n boi ki laan i dukii a Yennu nyik u mɔŋ niib Israel teeb amii? Aaii, u ki nyikibi kaa. N mɔŋ tee Israel nirɔe, ki tee Abraham yaaboonn, ki nyii Benjamin naakuuk ni.

Rom Teeb 11:11

N loon ki n boi ki laan i dukin nan Israel teeb din gbiat ki baa a bin biir amii? Aaii, li ki tee nna kaa. Ba tun toonbiit na paak, ki Yennu tinn binba ki tee Juu teeb na. Yennu tun nna a ŋamm Juu teeb na-ii mɔk funfunn binba ki tee Juu teeb na paak.

Rom Teeb 3:31

Tɔn, ta yet a nifosaarik laat tinnu u yada teenu nie na, ŋanne te ki sennu na tee yannii? Aaii, li ki tee nna kaa. Ti lek see sennu na poe.

Rom Teeb 6:15

Tɔn, sennu na nba ki yenti, ŋaan ki Yennu ninbatinu nee yent na, ti sa biar toonbiit tumu ni amii? Aaii, ti kan teen nna kaa.

Rom Teeb 6:2

Aaii, ŋann kaa. Li tee kaman nan ti kpo nee, ki li paak biit ki mɔk ti yaaki. Ŋannimi ti kan biar toonbiit tumu ni.

Rom Teeb 7:13

Tɔn, li want nan linba ŋane baar nan kuun n paak amii? Aaii, li ki want nna kaa. Biit nee jii linba ŋan na ki baar nan kuun turin, a lin wann biit nba tee linba. Ŋanne ki ti ji bann nan biit tee bonbilankante.

Rom Teeb 7:7

Li paak, ti sa yet a nlee? Ti sa yet a sennu na ki ŋan amii? Ti kan yet nna kaa. Sennu na-i bo-i kaa, n bo kan bann biit nba tee linba. Sennu na-i bo-i kii wann a n daa mɔk niauŋ n lɔɔ bont paaki, n bo kan bann niauŋ nba tee linba,

Rom Teeb 9:14

Ki ti ji sa yet a bee? Ti sa yet a Yennu ki tun linba ŋan amii? Aaii, ti kan yet nna kaa.

1 Korint teeb 6:15

I ki mi nan i gbanant na gaa nan Masia gbanantee? Li paak, daa jikit gbanant nba gaa nan Masia gbanant na ki gaant nan poochonchonna.

2 Korint teeb 1:18

Ŋaan Yennu nba tee barmɔnii daanɔ na paak, n mɔsonn nba ki n daan turi na daan ki tee “Nn” nan “Aaii” kaa.

Galasia teeb 2:17

Li-i bo-i kii tee nnaie, ŋann ŋanin ti-i yabii a Yennu-n yet a ti tee niŋamm u boor Masia paak, ŋaan ti lek bia tee biitdamme kaman nan binba ki tee Juu teeb na. Linba na want nan Masia ki kɔn toonbiit paak amii? Aaii, li ki want nna kaa.

Galasia teeb 2:21

N ki te ki Yennu ninbatinu teen yanni; li-i tee ki Yennu bo sa yet a nirɔ nba sak sennu nae tee niŋanɔ u boor, li bo want nan Masia kuun maŋ tee yanne.

Galasia teeb 6:14

ŋaan min ŋanin kan mi faa japaat see ti Yomdaanɔ Yisa Masia dapunpunn na kuukɔɔ paak; kimaan u dapunpunn maŋ paake te ki n kpii tingbouŋ na niauŋ n gbanant ni, ki tingbouŋ na niauŋ mun nyii n gbanant ni.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Taitus 1:2

N mɔk dindann nan n sii mɔk manfoor nba kaa gbennu. Yennu nba ki mi fa faak na din senn mɔsonn yaayoo niwa a u sa turit manfoor maŋ,

Hiibru teeb 6:18

Li paak, bona ŋannlee nba kaa lebitu na be ki wann nan Yennu set sa gbeen u mɔsonn maŋ. Li paak, timm nba chiar saan u boor ni ki tinn na mɔk parcheenn ki gaar dindann nba be ti tɔɔnn po na chib.

1 Jɔɔnn 5:10

Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

Fiitu 3:7

Ki wunba ki n lau na bia betin a n sɔb labaar na ki tur u weira nba lakin be Filadelfia doo ni na malaka a “Labaar na nyii wunba tee Popeendaanɔ, ki bia tee Barmɔnii daanɔ na boore; ki u dia David peenu na, ki li-i tee ki u loot gann, sɔɔ kan fit loonni; ki li-i biakii tee ki u loonn, sɔɔ kan fit looti: