Rom Teeb 3:25 - Yennu Gbounpaauŋ Mɔɔr

²⁵ Yennu te ki Yisa Masia nyii yeenin ni, ki bia te ki u sɔn nba nyii u ni na tee marouŋ ti biit paak, ki ti-i teen linba na yada, Yennu sa nyik chab ti biit; ŋanne wann nan Yennu be fanu. Yoo nba gar, Yennu din ki dat nisaarii tuba bi toonbiit paaki, kimaan u sukuru paak;

Yennu Gbouŋ Mɔɔr

²⁵ Yennu-e te ki Yiisa Masia nyii yeenin ni, ki bia te ki u sɔn nba nyii u ni na tee maruŋ ti biit paak, ki ti-i teen linba na yada, Yennu saa nyik chab ti biita; ŋanne wann nan Yennu be fanu. Yoo nba gar, Yennu din ki dat nisaarii tuba bi toonbiit paaki, kimaan u sukuru paak;

Rom Teeb 3:25 ပူးပေါင်းရင်းမြစ်များ

Jɔɔnn 6:47

“Barmɔniie ki n beeri na, daanɔ nba teenin yada, ŋɔɔe mɔk manfoor nba kaa gbennu.

Toona 14:16

Yaayoo niewa ki u din ŋaan ki nibooru kur din tuun bi yama ni mɔkmɔk nan mɔtana,

Toona 15:18

Nnee ki ti Yomdaanɔ Yennu din yet, ŋɔɔ wunba te ki bi bann linba na yaayoo niwa.’ ”

Toona 17:30

Yoo nba din gar, ki niib ki mi Yennu na, u din ki jii bi biiti. Ŋaan mɔtana u beer a sɔɔ kur-n nyik u biit,

Toona 2:23

Ŋaan Yennu mi linba yaa lin tan teen. Li paak, ki u dɔŋ lor lor ki kubinɔ i nuu ni, ki i te ki biitdamm kpaa tabinɔ dapunpunn paak ki kpiiu, ki li want nan yimme set kpiiu.

Toona 3:18

Ŋaan Yennu din pak u maan ki tur ti sɔkiniinba, ki bi mun pak tur niib, ki yet a see ki u Niganntɔɔ Masia-n lek dii fara. Tɔn, ki Yennu set tan te ki li gbenn teen mɔnii, nan ya set tan tun biaŋinba na.

Toona 4:28

Ŋanne ki bi lakin, a bin tun linba kur ki a poŋ din dukin a yanbɔɔt ni nan a paŋ, ki yaa li tan sa teen na.

Rom Teeb 2:4

amii a yisin loonchiauŋ nan sukuru bonchiann nba ki Yennu mɔk nant na amii nlee? a ki mi nan Yennu mɔk burchint nana a wun te ki a nyik a biit na ŋaan kii be fanuee?

Rom Teeb 3:26

ŋaan mɔtana u nyik chabit ki loon wun wann nan u set be fanu, ki bia yet a wunba teen Yisa yada na mun tee niŋanɔ ŋɔɔ Yennu tɔɔnn.

Rom Teeb 5:1

Tɔn, ta teen Yisa yada na paake, ki Yennu yet a ti tee niŋamm u tɔɔnn, ki parmaasir ji be timm nan Yennu sinsuuk ni ti Yomdaanɔ Yisa Masia paak.

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba ti Yomdaanɔ Yisa Masia paak, kimaan u paake ki Yennu teent u yɔɔsinba mɔtana.

Rom Teeb 5:18

Niyenɔkɔɔ maŋ toonbiiuk paake te ki sɔɔ kur ŋan nan tubdatu, nnee mun, niyenɔkɔɔ toonŋann paake te ki sɔɔ kur laat tinnu nan manfoor.

Rom Teeb 5:9

U sɔn paak, ki Yennu yet a ti tee niŋamme; li paak mun u kpan sa nyinnit tubdatu nba baat ti paak na ni.

1 Korint teeb 5:7

Li paak, yi nyinn i binbenkper biit, kii tee nipaamm, kaman nan ya set tee niib nba nyik biit ni biaŋinba na, kimaan Masia nba tee ti marouŋ na gaar ti paak ki kpo.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Efesus teeb 2:13

ŋaan mɔtana i ji be Yisa Masia nie, li paak yimm nba din tuu be banfɔkira maŋ ji nyat nakinɔɔe u kuun paak,

1 Timoti 1:15

Ki ŋɔɔ Yisa Masia din baar tingbouŋ na ni, a wun tan tinn biitdamme; labaar maŋ tee barmɔniie ki ŋan ki ti gaarir ki teenn yada; ki mine din bi ki gar biitdamm kura,

Hiibru teeb 10:4

Kimaan naajai nan buunii sɔn na kan fit nyinn biiti.

Hiibru teeb 11:14

Niib-i yeen linba na, li set fiit ki want nan bi lek daa gorii bi tiauŋ digbann siar poe.

Hiibru teeb 11:17

Yoo nba ki Yennu din bikin Abraham na, u yada paake biak ki u din jii u bija Aisak, a wun mann mannu ki tur Yennu. Gotir, ŋɔɔ Abraham nba din gaar Yennu mɔsona maŋ na, u tiauŋ bia din jii u bijayemmir a wun mann mannu tur Yennu.

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

Hiibru teeb 9:5

Bonsia nba ki bi yir cherubim din tɔɔ lakir maŋ paak, ki bi kpinkpant bakin siaminba din tee toonbiit nyikinchab boor ni na, ki li want nan Yennu be leŋ. Ŋaan mɔtana ji ki tee yoo nba ki ti sa pak bont maŋ po nan li barnɔɔk kuri.

1 Jɔɔnn 1:10

Ti-i yaa a ti ki tuun toonbiitie, ŋann nna ti teenɔ faak daanɔe na, ki u maan maŋ kaa ti ni.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 20:15

Ki wunba sann din ki sɔb manfopaann damm gbouŋ na ni, bi sa lu-u bootuk maŋ nba ki muu gbee leŋ nie.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.