Rom Teeb 3:22 - Yennu Gbounpaauŋ Mɔɔr

²² Yennu te ki nisaarii kur nba teen Yisa Masia yada nee tee niŋamm u tɔɔnn, li nyii ba teen Yisa Masia yada nie, ki lukitin kaa,

Yennu Gbouŋ Mɔɔr

²² Yennu-e te ki nisaarii nba teen Yiisa Masia yada na tee niŋamm u tɔɔnn, li nyii baa teen Yiisa Masia yada nae, ki lukitin kaa,

Rom Teeb 3:22 ပူးပေါင်းရင်းမြစ်များ

Barŋanii nba ki LUK din sɔb nae na 15:22

Ŋaan ki u baa yiin u daaba, ‘Teent yiama ki jii chinchenŋann na, nan baŋ, nan taasaat na, ki tan gbabinɔ, ŋaan pirimɔ baŋ nan taasaat na,

Toona 11:12

Ŋanne ki Yennu Seyeeŋ betin a n saan namm ki daa birisi. Ki Yisaweira nba be Jɔpa na, bi ni bannloob nba be nna na mun chianin ki saan Siisarea, ki ti kura baar kɔɔ Kɔnelius ŋaak ni.

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Toona 3:16

“Yisa maŋ sann paŋ nba ki ti yi nee te ki jɔɔ na paak. Wɔbik na tee wunba ki i poŋ tuu miu ki bia laatɔe, ŋaan ki u tan paak na, kimaan wa teen Yisa sann yada na paak. Wa teen Yisa yada na paake te ki u paak ki see i numm nna.

Rom Teeb 1:17

Barŋanii maŋ want nan Yennu yet a nirɔ tee niŋanɔ u tɔɔnn, yada teenu paake; nee nyii paanu ki tur binba teen Yisa yada, kaman nan la sɔb u gbouŋ ni biaŋinba na a “Wunba teen niŋanɔ Yennu boor u yada na paak, li daanɔ sii mɔk manfoor nba kaa gbennu.”

Rom Teeb 10:12

Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk.

Rom Teeb 10:4

Kimaan Moses sennu weiu ji kan te ki Yennu-n yet a sɔɔ tee niŋanɔ u boori; ŋaan wunba kur teen Masia yada, Yennu sa yet a li daanɔ tee niŋanɔe u boor.

Rom Teeb 2:1

Li paak, nifosaarik nba want u lɔɔ biit, u ki mɔk sɔnu, kimaan fa want a lɔɔ biit na, li want nan a mɔŋ mɔŋ mɔk biit, kimaan fa want a lɔɔ biit na, a mɔŋ mɔŋ mun tuun nnee.

Rom Teeb 3:30

Yennu tee Yen-yenɔkɔɔe ki sa yet a Juu teeb nan binba ki tee Juu teeb na, ki bi kur-n teen niŋamm u tɔɔnn bi yada teenu paak.

Rom Teeb 4:16

Yennu mɔsonn na tee binba teenɔ yada na yare; u ninbatinu paak, ki u senn mɔsonn maŋ ki li set tee Abraham yaaboona kur yar, li ki tee a binba waa sennu na kuukɔɔ yar kaa, ŋaan binba kur teen Yennu yada kaman nan Abraham nba din teen biaŋinba, kimaan ŋɔɔ Abrahame tee ti kura baa

Rom Teeb 8:1

Tɔn, mɔtana Yennu kan bu ki biir binba be Yisa Masia ni,

Rom Teeb 9:30

Tɔn, ti sa yet nlee? Binba ki tee Juu teeb na din ki kor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada na paak.

1 Korint teeb 12:13

Ti kura nba tee Juu teeb, nan binba ki tee Juu teebi, nan daaba, nan yentinmɔŋ damm, bi wur ti kur Yennu nyunwuru u Seyeeŋ yenɔkɔɔ sann ni a ti taan teen gbananyennkɔɔ; ki li Seyeeŋ yenɔkɔɔ maŋ bia gbeen ti kura.

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

Galasia teeb 2:16

ŋaan ti mi nan see ki nirɔ-n teen Yisa Masia yada, ŋanne sa te ki Yennu-n yet a u tee niŋanɔ u boor; li ki tee ta tuun sennu nba yaa tii tuun linba paak kaa; li paak, ti mɔŋ mun teen Yisa Masia yada a Yennu-n yet a ti tee niŋamm u boor yada maŋ paake, ŋaan li ki tee sennu toona tumu paak kaa. Kimaan Yennu kan yet a sɔɔ tee niŋanɔ u boor sennu maŋ toona tumu paaki.

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nee. Mɔtana, ma mɔk manfoor ki be n gbanant ni na, n be ki teen Yennu Bija Masia yada; ŋɔɔe loonin ki din gaar n paak ki kpo.

Galasia teeb 3:22

Ŋaan li sɔb Yennu gbouŋ ni a sɔɔ kur saaka mɔk biite, a Yennu-n tur binba teen Yisa Masia yada na piinii nba ki u din senn mɔsonn a u sa turib na; bi yada maŋ paake ki u sa turib.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Efesus teeb 3:12

Ta teen Masia yada ki be u ni na, li paak, ki ti mɔk yuugontir ki sa baar Yennu boor nan parcheenn.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.

Kolosa teeb 3:11

Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa muuk ni niib nan doo ni yab sinsuuk ni; bɔkitu bia kaa daaba nan yentinmɔŋ damm sinsuuk ni, ŋaan i kur tee Masia yab, ki u be i kur ni.

Jeems 2:23

Ki Yennu mɔmaan nba sɔb u gbouŋ ni nee din tan teen mɔmɔmm a “Abraham din teen Yennu yada, li paak, ki Yennu yaa a u tee niŋanɔ u boor.” Li paak, ki bi din yiu Yennu yɔɔk.