Rom Teeb 3:21 - Yennu Gbounpaauŋ Mɔɔr

²¹ Ŋaan mɔtana, Yennu mɔŋ nba lon sɔnsau nba sa te ki nifosaarik-n teen niŋanɔ na ji be yeenin nie, ki u sɔkiniinba maan nan sennu nee wantit li po, ŋaan li ki nyi sennu na saku ni kaa.

Yennu Gbouŋ Mɔɔr

²¹ Ŋaan mɔtana, Yennu mɔŋ nba lon sɔnsau nba saa te ki nisaarik n teen niŋanɔ na ji be yeenin nie, ki u sɔkiniinba maan nan sennu nae wantit li po, ŋaan li ki nyi sennu na saku ni kaa.

Rom Teeb 3:21 ပူးပေါင်းရင်းမြစ်များ

Barŋanii nba ki LUK din sɔb nae na 24:44

Ŋanne ki u betib a “I tian man n mɔmaan nba ki n daan wanti ma daan be i boor ni yoonba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na nɔɔk ni, a li kpaa talas nan li kur-n tan mantik tun ki gbenn.”

Jɔɔnn 1:45

Ki Filip mun saan ki saa lon Natanael boor ki betɔ a “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u sa baar na. Ŋɔɔe tee Yisa wunba tee Josef bik, ki u nyii Nasaret.”

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Toona 15:11

Ti daa tee nna. Timm nan ŋamm jame; ti kur teen ti Yomdaanɔ Yisa yada ki la tinnu u ninbatinu paake.”

Toona 26:22

ŋaan la jii ki tan tuu dinna, ki Yennu guun, ki n ji be ki see ki mɔɔntir u maan ki teen tatimm nan paarib kura na. Ma piak linba na, ŋaan ŋann nan Moses nan Yennu sɔkiniinba nba din tuu piak linba kur na, li ki mɔk bɔkitu. Ŋamm din piak linba tan sii tee,

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Rom Teeb 1:17

Barŋanii maŋ want nan Yennu yet a nirɔ tee niŋanɔ u tɔɔnn, yada teenu paake; nee nyii paanu ki tur binba teen Yisa yada, kaman nan la sɔb u gbouŋ ni biaŋinba na a “Wunba teen niŋanɔ Yennu boor u yada na paak, li daanɔ sii mɔk manfoor nba kaa gbennu.”

Rom Teeb 1:2

Yennu poŋ din dɔŋ senn u mɔsonn barŋanii maŋ poewa, ki u sɔkiniinba din mɔɔntir u mɔsonn maŋ, ki li sɔb u gbounyeeŋ ni.

Rom Teeb 16:26

Ŋɔɔ Yennu sɔkiniinba gaar ki sɔbir gbouŋ ni ki li fiit woonin ni; ki Yennu nba kaa gbennu na tur mɔb a booru kur-n bannir, a niib kur-n la yaak ki teen Masia yada ki sak u mɔb;

Rom Teeb 3:28

Ti dukii ki yeen a nisaarik yada teenu paake ki Yennu yet a u tee niŋanɔ; ki li ki tee a wa waa sennu na paak kaa.

Rom Teeb 5:19

Niyenɔkɔɔ nba ki bi yiu Adam na mɔyêtuk paake te ki niib kur teen biitdamm; li mun tee nnee nan niyenɔkɔɔ nba ki bi yiu Masia na mɔsaku paake te ki niib bonchiann teen niŋamm Yennu boor.

Rom Teeb 5:21

Li paak, biit nba din kpi nifosaarii ki te ki bi kpenn biaŋinba na, nnee mun ki Yennu ninbatinu paak te ki u yet a bi tee niŋamm u boor, ki turib manfoa nba kaa gbennu, ti Yomdaanɔ Yisa Masia paak.

Rom Teeb 9:30

Tɔn, ti sa yet nlee? Binba ki tee Juu teeb na din ki kor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada na paak.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

2 Korint teeb 3:9

Li-i tee ki sennu nba wann niib a bi mɔk biite din baar nan yentsaakar, ki Seyeeŋ sɔnu nba te ki niib tee niŋamm na be nan yentsaakar ki garir.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 3:8

Ki li bia sɔb Yennu gbouŋ ni a ŋɔɔ Yennu din poŋ mi nan u tan sa yet a binba ki tee Juu teeb mun tee niŋamm u boor bi yada paak. Ŋann paake ki u poŋ din yet Abraham barŋanii maŋ a “Fin paake ki n tan sa teen mɔsonŋann nisaarik booru kura paak.”

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.

1 Piita 1:10

Tinnu nee ki sɔkiniinba din loon bin bann li paak nan ninmɔnn, ki din sɔkint a li tan sii tee yimme ki Yennu sa tini ninbaauk.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.