Rom Teeb 2:9 - Yennu Gbounpaauŋ Mɔɔr

⁹ U sa jii fara nan muksuk ki tur nisaarii nba kur tuun toonbiit na; Juu teeb nee sa la li tubdatu sinsinn, ki binba ki tee Juu teeb na-n ji joont;

Yennu Gbouŋ Mɔɔr

⁹ U saa jii biak nan mukisuk ki tur nisaarii nba kur tuun toonbiit na; Juu teeb nae saa la tubdatu sinsinn na, ki binba ki tee Juu teeb na n mun bia la;

Rom Teeb 2:9 ပူးပေါင်းရင်းမြစ်များ

Matiu 16:26

Li-i tee ki nirɔ yen tingbouŋ na mɔkint kura, ŋaan tan kɔŋ u manfoor, nyɔlantpoe ki u sa la? Sɔɔ kan fit jii siar ki daa u manfoori.

Barŋanii nba ki LUK din sɔb nae na 24:47

a bin saan ki mɔɔnt niib u sann paak a bi-i nyik bi biit Yennu sa nyik chabib; a bin piin ki mɔɔnt Jerusalem teeb barii maŋ sinsinn, ki bia mɔɔnt nibooru kur mun.”

Toona 11:18

Ba din gbat nna maŋ yoonba, ki bi ji nyik bi kpayakit na, ŋaan donn Yennu sann, ki yeen a “Yennu chab binba ki tee Juu teeb mun a bin nyik bi biit ki teen Yisaweira ki la manfoor nba kaa gbennu.”

Toona 13:26

Ŋanne ki Pɔɔl bia yaa a “N naa waas, a yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na, li tee ti yare.

Toona 20:21

ki bia kpaan Juu teeb nan binba ki tee Juu teeb kur a bin nyik bi biit kii waa Yennu sɔnu, ki teen ti Yomdaanɔ Yisa yada.

Toona 26:20

Ŋaan sinsinn n din dɔŋ ki mɔɔnt Damaskus teebe, ki pukin Jerusalem nan Judea tiŋ ni doi nba be lokir kur po. Li poorpoewa, ki n tan mɔɔnt ki tur binba ki tee Juu teebi. N wannu ki tur niib na kur tee a bin nyik bi biit kii waa Yennu sɔnu, kii tuun bonŋann, ki lin wann nan bi set nyik bi biit nan mɔnii.

Toona 28:17

Tɔn, li daa ŋanntaa daare ki Pɔɔl yiin Juu teeb yudamm lakinu. Ba tikir leeb yoonba, ki u yetib a “N naa waas, n lek ki tun bonbisiar ki biir ti niib amii ti yejamm sennu, ŋaan bi din soorin ki kɔɔnin dansarik Jerusaleme, ŋaan jiin ki kubinin Rom teeb nuu ni.

Toona 28:28

Ki Pɔɔl bia ŋamm yet a “Ki bia jenna, li paak, li ŋan ki yin bann nan Yennu tinnu maan baar niib nba ki tee Juu teeb paake, ki bi sa gbat.”

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 10:12

Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk.

Rom Teeb 2:10

ŋaan Yennu sa jii paku nan nyɔɔt nan parmaasir ki tur binba kur tuun toonŋana na; Juu teebe sa gaar sinsinn, ki binba ki tee Juu teeb na-n joont;

Rom Teeb 8:35

Ŋmee sa fit nyinnit Yisa Masia loomm ni? Ti fara amii maan amii sukit amii kon amii namu amii parbiir amii kuume? Aaii.

Rom Teeb 9:24

Li tee timm nba ki u gann nee; ki li ki tee Juu teeb kuukɔɔ kaa, ŋaan li tee binba ki tee Juu teeb na mun biake.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Kolosa teeb 3:11

Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa muuk ni niib nan doo ni yab sinsuuk ni; bɔkitu bia kaa daaba nan yentinmɔŋ damm sinsuuk ni, ŋaan i kur tee Masia yab, ki u be i kur ni.

2 Tesalonika teeb 1:6

Yennue tuun linba took; u sa te ki binba dinti fara maŋ na-n mun di fara nnee,

1 Piita 4:17

Yoo baara ki Yennu sa piin ki bu niib buut; ki u sa bu u tiauŋ niib buute sinsinn; ki li-i tee ki u bu timm nba tee u niib na buut sinsinn, ki binba ki sak u barŋanii na sa joont nlee?