Rom Teeb 2:8 - Yennu Gbounpaauŋ Mɔɔr

⁸ Ŋaan binba mɔk kunkɔna, ki ki sak linba tee barmɔnii na, ŋaan tuun toonbiit, Yennu wutoor sa do bi paak.

Yennu Gbouŋ Mɔɔr

⁸ Ŋaan binba mɔk kunkɔna, ki ki sak barmɔnii na, ŋaan tuun toonbiit, Yennu wutoor saa do bi paaka.

Rom Teeb 2:8 ပူးပေါင်းရင်းမြစ်များ

Rom Teeb 1:18

Yennu wann nifosaarii a u donn wutoor bi paak, kimaan bi tuun toonbiit ki ki waa u sɔnu, ki bi biit sɔnii maŋ te ki niib ki bant u barmɔnii.

Rom Teeb 10:16

Ŋaan niib kur kaa sak barŋanii maŋi. Aisaya din sɔb Yennu gbouŋ ni a “N Yomdaanɔ, ŋmee sak barŋanii na?”

Rom Teeb 15:18

n loon ki n wanni toona nba ki Masia te ki n tun na, ŋaan n kan fit pak nisiab toona po; u te ki n mɔɔnt u labaar na ki tur binba ki tee Juu teeb, ki bia tun bakitnauŋ toona nba din te ki bi sak u mɔb.

Rom Teeb 6:17

Sianyoo, biit din mɔk i yaak, ŋaan mɔtana i mantik saak barmɔnii wannu nba ki bi din wanti na; li paak, ki n teen Yennu niipoouk.

Rom Teeb 9:22

Nnee ki Yennu tun ki loon wun wann u wutoor ki niib kura-n bann u paŋ. Li paak ki u mɔk mintir nan binba ki u wutoor sa baar bi paak ki li bo jaŋ nan wun biirib na;

1 Korint teeb 11:16

Ŋaan sɔɔ-i loon wun nɔi mɔniɔk ki jiin li po, n sa yet a timm amii Yenweiraleeb nba kur ki mɔk sennleer ki pukin na po.

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

Galasia teeb 5:20

nan patmannu, nan nyɔkdinu, nan dataar, nan kunkɔna, nan funfunbiiuk, nan wutoor, nan bɔkitu, nan lukitin,

Filipi teeb 1:17

Nisiab ki mɔɔntir Masia po nan bi para kuri, ŋaan bi tuun nan funfunne; bi dukii nan bi sa pukin mine fara yoo nba ki n daa be dansarik nna.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

2 Tesalonika teeb 1:8

ki tan dat binba ki sak u barŋanii ki bia ki mi Yennu na tuba;

Taitus 3:9

Ŋaan nyik mɔnɔyanna, nan yejamm ni yaadindɔuŋ kannu, ki daa kɔn nan leeb, ki bia daa nɔi mɔniɔk sennu paak, kimaan linba na kura ki ŋan, ki ki mɔk nyɔsiati.

Hiibru teeb 10:27

Linba ji biar tee buut bunu nba mɔk jaŋmaaniie, nan muchiauŋ nba baat ki tan sa biir binba yêt Yennu na.

Hiibru teeb 11:8

Yada paake din te ki Abraham sak Yennu yiinii ki saan tiŋ nba ki Yennu din senn mɔsonn ki yaa a u sa turɔ na ni. U din nyik u mɔŋ dooe ŋaan ki ki mi wa saa siami.

Hiibru teeb 5:9

ki din tan gbenn fara dinu maŋ, ki te ki binba kur saak u mɔb na la tinnu nba kaa gbennu.

Jeems 3:14

Ŋaan li-i tee ki i mɔk funfunn nan dontinmɔŋ i para ni, i daa nyu bara, ki daa fa faak, ki daa yêt barmɔnii.

Jeems 3:16

kimaan funfunn nan dontinmɔŋ nba be sian, daamuk nan biitbooru booru kur be leŋe.

1 Piita 3:1

Poob, sakin man i sɔrib mɔi, ki bi siab-i kii teen barŋanii na yada, ŋaan li pasiar bi poob binbenŋaŋ na paak, bi sa teen yadawa, li ki kpaa poo talas nan wun yet siar gbaa,

1 Piita 4:17

Yoo baara ki Yennu sa piin ki bu niib buut; ki u sa bu u tiauŋ niib buute sinsinn; ki li-i tee ki u bu timm nba tee u niib na buut sinsinn, ki binba ki sak u barŋanii na sa joont nlee?

Fiitu 14:10

li daanɔ sa la Yennu wutoor nba tee kaman nan dapaaruk nba ki u mɔɔn ki teen daŋmanbaŋ ni na, li daanɔ bia tan sa la fara muu nba ki sarwuutaa di nann na ni, Yennu malakanba nan Pebik na tɔɔnn po.

Fiitu 16:19

Ki dogbeŋŋir na bɔkit taar munntaa, ki nibooru kur digbana baa, kimaan Yennu tiar dogbeŋŋir Babilɔnn niib na biit po, ki u wutogbeŋŋir nba do bi paak biaŋinba na, ki u dat bi tuba bonbiir.