Rom Teeb 2:6 - Yennu Gbounpaauŋ Mɔɔr

⁶ kimaan sɔɔ kur sa la u toona nyɔɔt nba tee biaŋinba.

Yennu Gbouŋ Mɔɔr

⁶ kimaan sɔɔ kur saa la nyɔɔt, u toona nba tee biaŋinbae.

Rom Teeb 2:6 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Rom Teeb 14:22

Fa teen yada ki jikit saa jeetdinu po biaŋinba na, ŋaant ki lii be fin nan Yennu sinsuuk ni. Wunba tun linba ki u dukin nan li ŋan, ki ki mɔk birsuk li paaki, parpeenn tee u yare.

1 Korint teeb 3:8

Bɔkitu kaa wunba buur nan wunba maant nyun na sinsuuk ni. Yennue sa turib nyɔɔt ba tun linba na paak.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 11:15

Li paak, Sintaanii toontunna-i kpann a bi tee Yennu yabe, ya daa te ki li teei yaarlituk mani. Yennue tan sa dat bi tuba kaman nan bi toona nba jaŋib biaŋinba.

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.

2 Timoti 4:14

Aleksander wunba kur saauk na din tumin linba bi bonchiann; Yennu sa dat u tuba wa tun linba na paak.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.

Fiitu 20:12

Ki n la binba din kpo na, nijaana nan nitarii na, ki bi see naangbouŋ na tɔɔnn po; ki sɔɔ pɔbitir gbant, ki bia pɔbit gbanleer nba ki bi sɔb manfopaann damm sana ki teen leŋ na. Ki Yennu bu binba kpo na buut, ki li waa nan ba tuu tee biaŋinba bi toona ni na, ki li sɔb gbant maŋ ni.

Fiitu 22:12

Ti Yomdaanɔ Yisa yet a “Gotir man, n baate mɔtana na, ki dia sɔɔ kur nan u toona nyɔɔt a n tan pau.