Rom Teeb 2:27 - Yennu Gbounpaauŋ Mɔɔr

²⁷ Yimm Juu teeb mɔk sennu maŋ ki li sɔb gbouŋ ni; ki i bia porii puna, ŋaan yimme bia biir sennu na; ki binba ki pot bi puna ŋaan waa sennu na, ŋamme sa bu i buut ki biiri.

Yennu Gbouŋ Mɔɔr

²⁷ Yimm Juu teeb mɔk sennu maŋ ki li sɔb gbouŋ ni; ki i bia porii puna, ŋaan yimme bia biir sennu na; ki binba ki pot bi puna ŋaan waa sennu na, ŋamme saa bu i buut ki biiri.

Rom Teeb 2:27 ပူးပေါင်းရင်းမြစ်များ

Matiu 3:15

Ŋaan ki Yisa yetɔ a “Ŋaant ki lin tun nna mɔtana, kimaan nnee ki li ŋan ki tin tun toonŋana kura.” Li yoo na ki Jɔɔnn sak.

Toona 13:22

Ki Yennu din tan liatɔ u naan ni, ŋaan dinn David a wuu tee bi bat jik. Nnee ki Yennu din pak David po a ‘N bann nan David, wunba tee Jese bik na, mantik gboot n numm, kimaan u sa tun linba kur ki n loon na.’

Rom Teeb 13:10

Ki fi-i loon a lɔɔ, a kan tun bonbiir ki turɔ; kimaan niib loommu tee Yennu sennu gbeenu.

Rom Teeb 2:15

Ba tuun biaŋinba want nan sennu nba senn biaŋinba na be bi para ni, ki bi yangana mun wantib linba ŋan nan linba ki ŋani, kimaan sianyoo bi dudukit tuu tan sak bi toon-yena nan li ŋan, ŋaan yosau bi dudukit-n bia yêt bi toonlia paak nan li ki ŋani.

Rom Teeb 2:20

ki fit kpaan jatit na kpaanii, ki bia want binba ki mi, kimaan a mi barmɔnii na nba sɔb biaŋinba sennu gbouŋ na ni.

Rom Teeb 2:25

Fi-i sak Yennu sennu, a punpotu mɔk nyɔɔt, ŋaan fi-i kii sak sennu na, li ŋman a ki poti.

Rom Teeb 2:26

Ŋaan binba ki tee Juu teeb ki ki pot, ŋaan sak sennu maŋ mɔbona ki waar, Yennu sa gaarib kaman nan wunba pot nee.

Rom Teeb 2:29

Juu nirɔ nan barmɔnii tee wunba tee Juu nirɔ u par nie. Potu nan mɔnii mun tee par nie, ki li potu tee Yennu Seyeeŋ tumu; li ki tee gbanant paanu ni kaa. Li daanɔ laat paku Yennu boore, li ki tee nisaarik boori.

Rom Teeb 3:30

Yennu tee Yen-yenɔkɔɔe ki sa yet a Juu teeb nan binba ki tee Juu teeb na, ki bi kur-n teen niŋamm u tɔɔnn bi yada teenu paak.

Rom Teeb 8:4

Yennue tun nna, a timm nba ki ti binbeŋ waa Yennu Seyeeŋ na ki li ki tee ti nisaarii loomm na, sa sak ki wei barmɔnii sɔnu, sennu nba wann biaŋinba.

1 Korint teeb 7:19

Wunba pot nan wunba ki pot, li kur tee yanne. Linba mantik tee barkpaann tee i dia Yennu sennu bonŋann.

2 Korint teeb 3:6

Ŋɔɔe din te ki ti jaŋ nan u lorpaanu toona; ki lorpaanu maŋ ki tee Moses sennu nba ki bi din sɔb na kaa, li tee Seyeeŋ yare; kimaan sennu maŋ din baat nan kuume, ŋaan ki Yennu Seyeeŋ teent manfoor nba kaa gbennu.

Galasia teeb 5:14

Kimaan sennu maŋ yur yet a “I loon a lɔɔ kaman nan fa loon a mɔŋ biaŋinba na.”

Efesus teeb 2:11

Yimm nba ki tee Juu teeb na, Juu teeb yi yimm ŋanin punjoote, ŋaan yi bi mɔŋ sankpanna; yi tian man ya din tee nibooru nba sianyoo nba gar na.

2 Timoti 3:15

ki a bisin niwa a poŋ mi Yennu gbouŋ nba fit teena yan ki wanta fa sa teen Yisa Masia yada ki tinn biaŋinba na.

Hiibru teeb 11:3

Ti yada paake ki ti bann nan Yennu mɔmaame din nan dunia na, ki ta laat bona nba na u din ki jii bonsiar kaa ki nanni.