Rom Teeb 2:24 - Yennu Gbounpaauŋ Mɔɔr

²⁴ kaman nan la sɔb Yennu gbouŋ ni a “Yimm Juu teeb paake ki binba ki tee Juu teeb na piak ki sukii Yennu.”

Yennu Gbouŋ Mɔɔr

²⁴ nan laa sɔb Yennu gbouŋ ni a, “Yimm Juu teeb paake ki binba ki tee Juu teeb na piak bonbiir ki jiin Yennu po.”

Rom Teeb 2:24 ပူးပေါင်းရင်းမြစ်များ

Matiu 18:7

Bonbiir sii be tingbouŋ na teeb nba kpann bi leeb ki bi tuun toonbiit na paak. Jinjammii set sa baar, ŋaan li sii bi ki teen wunba te ki jinjammii baat niib paak.

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

1 Timoti 6:1

Li kpaa talase ki binba tee daaba na-n tur bi yomdamm nibaakir, ki nisɔɔ daa piak biir Yennu sann nan u wannu.

Taitus 2:5

kii dia bi mɔŋ, kii tee popeendamm, kii tee ŋaapooŋamm, kii be fanu, kii saak bi sɔrib mɔi. Ŋanne sa te ki sɔɔ kan fit pak bonbiir ki jikit saa Yennu labaar po.

Taitus 2:8

I piak mɔmɔmm nba ki sɔɔ kan mi yiinir yanni, ki binba loon ki bii kɔn nant daa laat bonbiir nba ki bi sa pak ti po; ŋanne ki bi sa di fei li paak.

2 Piita 2:2

Niib bonchiann sa weib ki mun tuun bi mɔŋ loonbiit tumu. Bi paak ki niib sa fiak barmɔnii sɔnu na.