Rom Teeb 2:16 - Yennu Gbounpaauŋ Mɔɔr

¹⁶ Tɔn, li tan sii tee nnee daar maŋ daar nba ki Yennu tan sa bu niib kur para ni buut Yisa Masia paak, kaman nan ma mɔɔntir barŋanii maŋ biaŋinba na.

Yennu Gbouŋ Mɔɔr

¹⁶ Tɔn, li tan sii tee nnae daar nba ki Yennu saa bu niib kur para ni buut Yiisa Masia paak, nan maa mɔɔntir barŋanii maŋ biaŋinba na.

Rom Teeb 2:16 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Barŋanii nba ki LUK din sɔb nae na 8:17

Barii nba kur woo, see ki li tan woot nyii paanu ni; ki linba mun liik, see ki li tan likit ki nyii.

Jɔɔnn 12:48

Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Toona 10:42

Ki u chabit mɔb a tii mɔɔntir kii teen niib Yennu barŋanii, a kii beerib nan nunmɔnn a Yisae tee daanɔ nba ki Yennu nyinn sennɔ a wuu tee footib nan kpeemm barbuurɔ.

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

Rom Teeb 2:5

Ŋaan a par wakii ki a lek ki sak nan fan nyik toonbiit tumu na, li paak, a pukii a mɔŋ fara nba ki a tan sa la daar nba ki Yennu tan sa bu niib buut nan barmɔnii, ki u wutoor na tan sa nyi paanu;

Rom Teeb 3:6

Yennu-i kii be fanu, u bo kan fit kii bu tingbouŋ na niib buuti.

1 Korint teeb 15:1

N naa waas, n loon ki n tiari barŋanii nba ki n din mɔɔnt ki turi, ki i gaar ki diar fanu na poe.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.

Galasia teeb 1:11

N naa waas, n yaa n tiari nan barŋanii nba ki n mɔɔnt teeni na ki nyii nisaarik nba din pak linba na ni kaa.

1 Timoti 1:11

ki Masia barŋanii nba wann Yennu nba ŋan bonchiann biaŋinba na mun wann nnee; ki ŋɔɔ Yennu din teen barŋanii maŋ n nuu ni ki n mɔɔntirir.

2 Timoti 2:8

I tian Yisa Masia po; u din fiir kuun ni, ki din tee David yaaboonn; kaman nan ma mɔn barŋanii ki wann niib biaŋinba na;

2 Timoti 4:1

Yisa Masia nba tan sa bu footib nan kpeemm buut, wunba tan sa jen ki di naan na, ŋɔɔ nan Yennu tɔɔnn po ki n beera,

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 9:27

Yennu senn a see ki nirɔ kur-n kpo yomkɔɔ, ki li poorpo Yennu-n bu u buut.

1 Piita 4:5

Ŋaan bi tan sa bu bi mɔŋ buut ki tur Yennu nba teen siir ki sa bu footib nan kpeemm buut na.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.