Rom Teeb 2:14 - Yennu Gbounpaauŋ Mɔɔr

¹⁴ Binba ki tee Juu teeb na, bi ki mɔk sennu na, ŋaan bi-i tuun sennu na nba wann biaŋinba nan bi tiauŋ yamie, bi mɔk bi tiauŋ sennu bi para ni, nan ba lek ki mɔk sennu maŋ na.

Yennu Gbouŋ Mɔɔr

¹⁴ Binba ki tee Juu teeb na, bi ki mɔk sennu na, ŋaan bi-i tuun sennu na nba wann biaŋinba nan bi tiɔŋ yamie, bi mɔk bi tiɔŋ sennu bi para ni, nan baa lek ki mɔk sennu maŋ nawa.

Rom Teeb 2:14 ပူးပေါင်းရင်းမြစ်များ

Toona 10:35

ŋaan nibooru kur ni, daansɔɔ nba jiantirɔ ki bia teenɔ nibaakir, ki bia tee popeendaanɔ, ŋɔɔe ŋan nan Yennu.

Toona 14:16

Yaayoo niewa ki u din ŋaan ki nibooru kur din tuun bi yama ni mɔkmɔk nan mɔtana,

Toona 17:30

Yoo nba din gar, ki niib ki mi Yennu na, u din ki jii bi biiti. Ŋaan mɔtana u beer a sɔɔ kur-n nyik u biit,

Rom Teeb 1:32

Bi mi nan Yennu sennu wann nan binba tuun linba na booru, bi nyɔɔt tee kuume, ŋaan bi lek kpan tuun ŋanne, ki bia mɔk parpeenn nan binba tuun li toonbooru mun.

Rom Teeb 2:12

Binba kur ki mi Yennu sennu ki tuun toonbiit, bi lek sa kpo bi toonbiit tumu na paaka, li ki tee ba ki dia sennu maŋ paak na kaa. Binba kur mɔk Yennu sennu na, ŋaan tuun toonbiit, ki Yennu sa jii sennu maŋe ki bu namm.

Rom Teeb 2:15

Ba tuun biaŋinba want nan sennu nba senn biaŋinba na be bi para ni, ki bi yangana mun wantib linba ŋan nan linba ki ŋani, kimaan sianyoo bi dudukit tuu tan sak bi toon-yena nan li ŋan, ŋaan yosau bi dudukit-n bia yêt bi toonlia paak nan li ki ŋani.

Rom Teeb 2:27

Yimm Juu teeb mɔk sennu maŋ ki li sɔb gbouŋ ni; ki i bia porii puna, ŋaan yimme bia biir sennu na; ki binba ki pot bi puna ŋaan waa sennu na, ŋamme sa bu i buut ki biiri.

1 Korint teeb 11:14

Ŋaan ti binbeŋ ni, li poŋ wann nan jɔɔ-i mɔk yuumunt li tee feie ki turɔ;

1 Korint teeb 9:21

Binba ki waa sennu na, ki n jii n mɔŋ ki teen kaman nan bi yenɔ na, a bin tinn. Na ki wann nan n ki waa Yennu sennu na; n waa Masia sennu na.

Efesus teeb 2:12

I din ki mi Masia li yoo. I din tee saamme ki bi ki kaani ki pukinti Yennu nigannkab ni. I din ki mi Yennu tingbouŋ na ni, ki bia din ki mɔk dindann, kimaan wa din tur u niib mɔsona nba i din ki pukin li ni;

Efesus teeb 2:3

Barmɔnii, ti kura mun din naan kaman nan li nibooru nee, ki waa ti gbanant niauŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Filipi teeb 4:8

N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.