Rom Teeb 16:5 - Yennu Gbounpaauŋ Mɔɔr

⁵ Ŋaan bia foont Yisaweira nba lakii ki jiantir Yennu bi ŋaak ni na. Ki foont n yɔɔŋaŋ Epanetus wunba din tee sinsinn nirɔ nba be Asia tiŋ ni ki din teen Masiaweirɔ na.

Yennu Gbouŋ Mɔɔr

⁵ N bia foont Yiisaweira nba lakii ki jiantir Yennu bi ŋaak ni na. N foont n yɔŋaŋ Epanetus, wunba din tee Asia yent ni sinsinn nirɔ nba teen Masiaweirɔ na.

Rom Teeb 16:5 ပူးပေါင်းရင်းမြစ်များ

Matiu 18:20

Kimaan siaminba ki niib bannlee amii banntaa taan lakin n sann ni, leŋe ki n mun bia be bi sinsuuk ni.”

Toona 16:6

Ki bi din gar saan Frijia nan Galasia yaka po, ki loon bin saan Asia tiŋ ni, ŋaan Yennu Seyeeŋ din ki sak ki bin pak Yisa maan Asia tiŋ ni.

Toona 18:12

Tɔn, yoo nba ki Galio din tee Akaya tiŋ na yudaanɔ, ki Juu teeb din tan taan leeb ki lek Pɔɔl ki soorɔ, ki saan nanɔ buut boor,

Toona 18:27

Li poorpoe ki Apolos dukin a wun saan Akaya. Ki Yisaweira nba din be Efesus na sommɔ, ki sɔb gbouŋ ki tur Yisaweira nba be Akaya na, a u-i taŋŋi baar, bin gaarɔ saantuk. Wa tan baar leŋ yoonba, ki u set tot binba teen yada Yennu ninbatinu po,

Toona 2:9

Ti siab nyii Patia nan Media nan Elam nan Mesopotamia nan Judea nan Kapadosia nan Pontus nan Asia,

Rom Teeb 11:16

Li-i tee ki sinsinn boroboro na tee Yennu yarie, linba biar na mun bia tee u yare. Li-i tee ki tiik jiina tee Yennu yarie, li yiinii na mun bia tee u yare.

Rom Teeb 15:26

kimaan Yisaweira nba be Masedonia nan Akaya tinii ni na, ki bi dukin dudukit ki yent bi para a bin lakin likirii tur Yennu niib nba tee tatimm ki be Jerusalem na.

Rom Teeb 16:12

Ki foont Traifena nan Traifosa binba tuun ti Yomdaanɔ toona na; ki foont n yɔɔŋaŋ Pesis wunba tuun ti Yomdaanɔ toona bonchiann na.

Rom Teeb 16:4

Bi din jii bi manfoa ki tinn n manfoor, li paak ki n teemm niipoouk; li ki tee n kuukɔɔ kaa teemm niipoouku, ŋaan min nan binba ki tee Juu teeb ŋaan tee Yisaweira na, bi mun bia teemm niipoouk bonchiann.

Rom Teeb 16:6

Ki foont Mari wunba din tuu tuun bonchiann ki teeni na;

Rom Teeb 16:8

Ki foont n yɔɔŋaŋ Ampliatus wunba ki n loonɔ ti Yomdaanɔ paak na.

1 Korint teeb 16:15

I poŋ mi Stefanas nan u ŋaateeb po, ŋamme din tee sinsinn niib nba be Akaya tiŋ ni ki din teen Masiaweira, ki bi jii bi mɔŋ ki tuun ki teen Yennu niib.

1 Korint teeb 16:19

Masiaweira nba be Asia tiŋ ni na foonti. Akuila nan Prisika nan Masiaweira nba lakii ki jiantir Yennu bi ŋaak ni na foonti fanu ti Yomdaanɔ sann ni.

2 Korint teeb 1:1

Min Pɔɔl wunba ki Yennu loomm paak ki u teenin Yisa Masia toomii na, min nan ti naa bik Timotie sɔbin gbouŋ na ki teen Yennu niib nba be Korint, nan u niib kur nba be Akaya tingbouŋ ni nna kur.

2 Korint teeb 9:2

N mi nan i loon ki yin sommib. N daan paki Masedonia teeb boor ni, ki betib biaŋinba ki yimm nba be Akaya tingbouŋ ni na din loon ki yin somm Yennu niib binnpo na. I numm nba din mɔn Yennu niib sommir paak na, li din te ki bi mun loon ki bin sommibe.

Kolosa teeb 4:15

Yii foont ti naa walonkai nba be Laodisea na, ki bia foont ti niipoo Nimfa nan Masiaweira nba lakin leeb u ŋaak ni a bin jiantir Yennu na.

Filemonn 1:2

nan Masiaweira nba lakii jiantir Yennu a ŋaak ni na; ki bia teen ti niipoo Afia nan ti toontunlɔɔ Akipus.

Jeems 1:18

U mɔŋ loommo ki u teent u waas, u maan nba tee barmɔnii na paak, a tii chee u bonninaant kura.

3 Jɔɔnn 1:1

Min Jɔɔnn nba tee Masiaweira saakɔɔ nee, sɔbin gbouŋ na ki teen n yɔɔk fin Gaius, fin nba ki n nian nan mɔnii.

Fiitu 14:4

Ŋamme tee jab nba dia bi mɔŋ fanu ki ki chommi, ki ki mi dɔɔ nan poo gbaa; ŋamme bia waa Pebik na ki saa siaminba kur ki u saa; ŋamme tee binba ki Yennu gannib nisaarii sinsuuk ni a bin teen sinsinn teeb nba ki ŋɔɔ Yennu nan Pebik na gaarib.