Rom Teeb 16:26 - Yennu Gbounpaauŋ Mɔɔr

²⁶ Ŋɔɔ Yennu sɔkiniinba gaar ki sɔbir gbouŋ ni ki li fiit woonin ni; ki Yennu nba kaa gbennu na tur mɔb a booru kur-n bannir, a niib kur-n la yaak ki teen Masia yada ki sak u mɔb;

Yennu Gbouŋ Mɔɔr

²⁶ Ŋɔɔ Yennu sɔkiniinba gaar ki sɔbir gbouŋ ni ki li fiit barmɔnii na; ki Yennu nba yɔɔ be maŋ tur mɔb a booru kur n bannir, ki la yaak ki teen Masia yada ki sak u mɔb.

Rom Teeb 16:26 ပူးပေါင်းရင်းမြစ်များ

Barŋanii nba ki MAK din sɔb nae na 16:15

Ki u bia yetib a “Yii saa kii mɔɔntir barŋanii na ki tur sɔɔ kur tingbouŋ na kur saaka po.

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Toona 6:7

Li poorpoe ki Yennu maan ŋammit ki yat kɔɔ niib ni, ki Yisaweira mun bia yabitir ki pukii bonchiann Jerusalem, ki Yennu manteeb niburchiauŋ sak Yisa barŋanii ki teenɔ yada.

Rom Teeb 1:2

Yennu poŋ din dɔŋ senn u mɔsonn barŋanii maŋ poewa, ki u sɔkiniinba din mɔɔntir u mɔsonn maŋ, ki li sɔb u gbounyeeŋ ni.

Rom Teeb 1:20

Yoo nba ki Yennu din nan dunia mɔkmɔk nan mɔtana, u naamii maŋ ni ki bi bann u benu nba ki nifosaarik ninbinn ki fit laat na, ki bia mi nan u mɔk paŋ nba kaa gbennu, ki set tee Yennu. Li paak, ki bi ji ki mɔk leku Yennu tɔɔnn ki sa yet a bi ki mi bi biiti.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 15:18

n loon ki n wanni toona nba ki Masia te ki n tun na, ŋaan n kan fit pak nisiab toona po; u te ki n mɔɔnt u labaar na ki tur binba ki tee Juu teeb, ki bia tun bakitnauŋ toona nba din te ki bi sak u mɔb.

Rom Teeb 15:4

Linba kur sɔb Yennu gbouŋ ni na, li sɔb ki turit a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 3:21

Ŋaan mɔtana, Yennu mɔŋ nba lon sɔnsau nba sa te ki nifosaarik-n teen niŋanɔ na ji be yeenin nie, ki u sɔkiniinba maan nan sennu nee wantit li po, ŋaan li ki nyi sennu na saku ni kaa.

Galasia teeb 3:8

Ki li bia sɔb Yennu gbouŋ ni a ŋɔɔ Yennu din poŋ mi nan u tan sa yet a binba ki tee Juu teeb mun tee niŋamm u boor bi yada paak. Ŋann paake ki u poŋ din yet Abraham barŋanii maŋ a “Fin paake ki n tan sa teen mɔsonŋann nisaarik booru kura paak.”

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki i mun tɔɔnn ki Yisa Masia mɔŋ tee li tanjaann.

Kolosa teeb 1:26

Barii maŋe tee woonin ni maan nba ki Yennu din woon sianyoo, ki nibooru kur ki bannir, ŋaan ki u tan fiit wann u niib mɔtana.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

2 Timoti 1:10

Ŋaan ti Tinntɔɔ Yisa Masia baaru paake ki u fiit wannit li po; ki ŋɔɔ Yisa Masia din biir kuun paŋ, ŋaan bia wannit a ti-i sak u barŋanii maŋ ti sa la manfoor nba kaa gbennu.

Hiibru teeb 13:8

Yisa Masia nba won tee biaŋinba wonn na, u bia tee nnee dinna na, u bia sii tun tee nnee nan yoo nba kaa gbennu.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

Fiitu 1:17

Ma lau yoonba ki n baa dɔɔr u tɔɔnn kaman nan kpeemɔ na. Ki u jii u nuudiitu ki yii n paak, ŋaan yet a “Daa tiin jaŋmaanii; mine tee bont kura pinpiik nan li gbennu;

Fiitu 19:10

Li yoo ki n gbaan u tɔɔnn a n jiantɔ. Ki u yetin a n daa tee nna kaa, a u tee min nan n naa waas nba dia Yisa barŋanii na toontunlɔɔe, a n jiant Yennue. Yennu sɔkiniinba nba sɔkint ki yeen na, bi piak Yisa poe.