Rom Teeb 16:2 - Yennu Gbounpaauŋ Mɔɔr

² yin gaarɔ ti Yomdaanɔ Masia sann paak kaman nan Yennu niib nba bo sii gaan bi leeb biaŋinba na, ki sommɔ wa loon linba i boor, kimaan u mun tuu sommit niib bonchiann, nan n mɔŋ gbaa.

Yennu Gbouŋ Mɔɔr

² yin gaarɔ ti Yomdaanɔ Masia sann paak, nan Yennu niib nba bo sii gaan bi leeb biaŋinba na, ki sommɔ waa loon linba i boor, kimaan u mun tuu sommit niib bonchiann, nan n mɔŋ gbaa.

Rom Teeb 16:2 ပူးပေါင်းရင်းမြစ်များ

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Toona 9:13

Ki Ananias jiin a “N Yomdaanɔ, niib bonchianne piak jɔɔ na po, ki jikit saa biaŋinba kur ki u tuun a mɔŋ niib Jerusalem.

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Toona 9:36

Poosɔɔ mun din be Jɔpa, ki u sann yi Tabita, ŋaan Griik maan ni, bi din yiu Dɔkas, ki li paak tee piarɔ. U din tee Yisaweirɔe, ki din tuun toonŋana bonchiann ki teen niib, ki bia din sommit talasdamm.

Toona 9:39

Ki u fiir ki bi jen nanɔ. Wa baar yoonba, ki bi jiiu ki doo nanɔ ditɔɔtuk maŋ ni. Ki pakɔi din be diiuk na ni, ki bi kur ŋaa lint Piitawa, ŋaan mɔ, ki jikit bi liata nan bi chinchena ki wantɔ, ki yeen a “Dɔkas nba tuu be u manfoor ni ki nyar linba ki teente na.”

Toona 9:41

Ki Piita dɔnn ki soor u nuu ki fiin sennɔ, ŋaan yiin Yennu niib nan pakɔi na, ki tan jiiu ki wannib nan u jen u manfoor niwa.

Rom Teeb 15:7

Yii gaan leeb man kaman nan Masia nba gaari na, ki Yennu sann-n la paku.

Rom Teeb 16:15

Ki foont Filologus nan Julia nan Nereus nan u niipoo, nan Olimpas nan Yennu niib kur nba be namm na.

Rom Teeb 16:23

Gaius wunba gaar min Pɔɔl nan Masiaweira kur u ŋaak ni na, u mun foonti. Erastus, wunba tee doo na likguutɔɔ na, ŋɔɔ nan ti naa bik Kɔɔtus mun foonti.

Rom Teeb 16:6

Ki foont Mari wunba din tuu tuun bonchiann ki teeni na;

Rom Teeb 16:9

Ki foont Urbanus wunba tee ti toontunlɔɔ Masia toona ni na; ki foont n yɔɔŋaŋ Stakis mun biak.

Efesus teeb 5:3

Ya tee Yennu waas na paak, li poŋ ki ŋan niib-ii gbia bonchonchonn toona barii, amii jakint barii, amii nianchiauŋ barii i sinsuuk ni.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Filipi teeb 2:29

Yii gaarɔ nan parpeenn man kaman nan i naa bik na ti Yomdaanɔ ni. Yi tur nibooru nba tee nan ŋɔɔ na nibaakir man,

Kolosa teeb 4:10

Aristakus, min nan wunba kɔɔ dansarik na foonti, ki Banabas niipoo bija Mak mun bia foonti. (I daan poŋ gaar n kpaanii, ma Mak-i taŋŋi baar i boor ni, yin gaarɔ.)

1 Timoti 2:10

linba sa turib fant tee binbenŋaŋ kaman nan pooyentina nba bo sii be biaŋinba na.

2 Timoti 1:18

Ti Yomdaanɔ-n tinɔ ninbaauk Daar maŋ daar. A mɔŋ mi fanu wa din sommin bonchiann biaŋinba Efesus ni.

Taitus 2:3

A bia kpaan poosaakab ki bii tee popeendamm. Bi daa tee sanjanjanna, ki daa nyu daan ki yibi. Li kpaa talas ki bii want linba ŋan,

Filemonn 1:12

Mɔtana, n tuumɔ a wun ŋmat a boor ni; ki n par loomm kura be u ni.

Filemonn 1:17

Li paak, li-i tee ki a dukii a n tee a yɔɔkie, fan gaarɔ kaman nan fa bo sa gaar min biaŋinba na.

2 Jɔɔnn 1:10

Li-i tee ki daansɔɔ nba baar i boor ni, ŋaan ki want Yisa Masia wannu maŋ nba tooki, i daa gaanɔ i ŋei ni, ki bia taan daa foontɔ gbaa,