Rom Teeb 16:18 - Yennu Gbounpaauŋ Mɔɔr

¹⁸ li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

Yennu Gbouŋ Mɔɔr

¹⁸ Li nibooru ki waa ti Yomdaanɔ Masia kaa, bi waa bi mɔŋ niɔŋo. Bi dia mɔmante ki kpann binba yaa dudukit ki chee na.

Rom Teeb 16:18 ပူးပေါင်းရင်းမြစ်များ

Matiu 24:11

Ki faak sɔkiniinba tan sa nyi ki kpann niib bonchiann.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 6:24

“Sɔɔ kan fit tun ki tur yomdamm bannlee; u sii nan yenɔ ŋaan kii loon lɔɔ; amii u sii nian yenɔe, ŋaan kii sian lɔɔ na. I kan fit waa Yennu nan likirii biaki.

Matiu 7:15

“I mi man faak sɔkiniinba na po, binba baat i boor ni ki naan nan pei na, ŋaan tee kinkata nan barmɔnii na.

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Rom Teeb 14:18

Wunba waa Masia nna, Yennu sii mɔk parpeenn nan li daanɔ, ki niib bia sii teeu nibaakir.

Rom Teeb 16:19

Tɔn, sɔɔ kur gbat ya gaar Masia barŋanii biaŋinba, linba na paake ki n mɔk parpeenn nani. N loon ki yii mɔk yan ki saan jiin linba ŋan paak, ŋaan daa saak bonbiiri.

2 Korint teeb 11:3

N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

Galasia teeb 1:10

N ki yiab ma n gaar nisaarik pinpakit kaa, ŋaan Yennu yare ki n loon, kimaan mi-i loon nisaarik pinpakitie, n bo kan teen Masia daabiri.

Filipi teeb 2:21

Sɔɔ kur nba ji biar gbaa nan bi mɔŋ mɔŋ yarae jiak jiak, bi ki fiin linba tee Yisa Masia yar na po.

Filipi teeb 3:19

Bi tan sa joont nan tubdatu nba kaa gbennue, kimaan bi poore tee bi yennu. Bi mɔk yuugontir nan linba dintib fei nee. Bi dukii linba tee tingbouŋ na bona kuukɔɔ poe.

Kolosa teeb 2:4

Li paak te ki n beeri, i daa te ki sɔɔ-n jii mɔmant ki kpanniini,

Kolosa teeb 3:24

Yi tian man nan ti Yomdaanɔ maŋ tan sa turi nyɔɔt nba tee u niib yar sanpaapo, kimaan Masia tee barmɔnii Yomdaanɔ ki i tuun teenɔ.

2 Tesalonika teeb 2:10

U tan sa jɔɔb faak boori kur ki kpann binba ki Yennu tan sa biirib na. Bi tan sa biira, kimaan ba ki loon barmɔnii nba bo sa tinnib maŋ ki yêtir na paak.

1 Timoti 6:5

nan mɔniɔk yoo kura nibiit boor ni; ŋamm yaa dudukit ki somm fanu, ki ji ki mɔk barmɔnii; bi dukii nan Yennu sɔnu tee sɔnu nba sa te nirɔ-n teen mɔkitɔɔe.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Juud 1:12

Bi tee baritee i mɔtaauk jaamm dinu ni, ki lakin di nan leeb, ki ki tiin Yennu, ki mɔk gɔrit ki dint bi mɔŋ kuukɔɔ. Bi tee kaman nan sanpagbant nba ki baat nan saak ŋaan ki wouŋ da nee; ki bia tee kaman nan tiinii nba ki loon li lomm yoo na, bi kpoe ki sa tɔr, kimaan bi jiina kur fikita ki bi koor.

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.