Rom Teeb 16:12 - Yennu Gbounpaauŋ Mɔɔr

¹² Ki foont Traifena nan Traifosa binba tuun ti Yomdaanɔ toona na; ki foont n yɔɔŋaŋ Pesis wunba tuun ti Yomdaanɔ toona bonchiann na.

Yennu Gbouŋ Mɔɔr

¹² N foont Traifena nan Traifosa, binba tuun ti Yomdaanɔ toona na. N foont n yɔŋaŋ Pesis, wunba tuun ti Yomdaanɔ toona bonchiann na.

Rom Teeb 16:12 ပူးပေါင်းရင်းမြစ်များ

Matiu 5:47

Ki li-i tee ki i foont i naa waas kuukɔɔe, toonŋanlannpoe ki i tun ki gar leebi? Nna kaa ki binba ki waa Yennu sɔnu na mun tuumii?

Matiu 9:38

Li paak, yii mei man dii maŋ daanɔ ki wun ŋamm pukin dijaara ki te ki bin saan jaan u dii maŋ.”

Rom Teeb 16:11

ki foont n booru ni nirɔ nba ki bi yiu Herodion na; ki foont Nasisus ŋaateeb nba teen ti Yomdaanɔ yada na.

Rom Teeb 16:13

Ki foont Rufus wunba mantik waa ti Yomdaanɔ sɔnu bonŋann na; ki foont u naa wunba tuu loonin kaman nan wa loon u mɔŋ bik biaŋinba na.

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

1 Korint teeb 16:16

N naa waas, n barimiie, yii tokii nibooru na binbeŋ nan bi toontunleeb kur binbeŋ, nan binba tuun bonchiann ki teen Yennu niib na.

Kolosa teeb 1:29

Linba na paak ki n lek yabii nan n paŋ kur nba ki Masia turin ki li yab bonchiann.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

1 Tesalonika teeb 1:3

kimaan Yennu nba tee ti Baa na tɔɔnn po, ti tian biaŋinba ki i teenɔ yada ki tuun toonŋana, nan i loomm nba te ki i tuun nan nunmɔnn biaŋinba, ki i dindann be ti Yomdaanɔ Yisa Masia ni chib chib biaŋinba.

1 Timoti 4:10

Ti gbaae ki tuun nan nunmɔnn kimaan ti mɔk dindann Manfodaanɔ Yennu paak, kimaan u be ki tee sɔɔ kur Tinntɔɔ, ki sa tinn sɔɔ kur nba teenɔ yada.