Rom Teeb 15:8 - Yennu Gbounpaauŋ Mɔɔr

⁸ Ma yeen linba na paak tee a Masia din kpint u mɔŋ ki tee Juu teeb na toontunnɔe, ki wann nan Yennu set tee mɔmɔmm daanɔe, ki gbeen Yennu mɔsona nba ki u din senn ki tur bi yejamm nba din tee nijaana na,

Yennu Gbouŋ Mɔɔr

⁸ Maa yeen linba na paak tee a Masia din kpint u mɔŋ ki tee Juu teeb na toontunnɔe, ki wann nan Yennu set tee mamɔmm daanɔ, ki gbeen ŋɔɔ Yennu mɔsona nba ki u din senn ki tur bi yeejajaana na,

Rom Teeb 15:8 ပူးပေါင်းရင်းမြစ်များ

Matiu 15:24

Ŋanne ki Yisa jiin ki betib a “Israel teeb nba tee kaman nan pei nba bot na, ŋamm kuukɔɔe ki Yennu tumin a man saan bi boor ni.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Jɔɔnn 1:11

Wa din baar tingbouŋ ni na, u din be u tiauŋ niib Israel teeb ni, ŋaan bi lek din ki gaarɔ.

Jɔɔnn 10:16

Pelei be ki tee n yab, ŋaan ŋamm ki tee pelook maŋ ni yabi. See ki n baar nan ŋamm mun biak, ki bi sa sak n mɔb, ki bi kur ji sii tee pebooryeŋ, ki mɔk pekpaaryeŋ kɔɔ.

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Rom Teeb 11:22

Gotir Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋŋi teen yada, u mun sii tiina ninbaauk, ŋaan li-i kii tee nna, u mun bia sa kɔnnae ki lua.

Rom Teeb 11:30

Yimm nba ki tee Juu teeb na, i din ki sak Yennu mɔb; ki mɔtana ki u ji tini ninbaauk, kimaan Juu teeb nba ki sakɔ na.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 3:26

ŋaan mɔtana u nyik chabit ki loon wun wann nan u set be fanu, ki bia yet a wunba teen Yisa yada na mun tee niŋanɔ ŋɔɔ Yennu tɔɔnn.

Rom Teeb 3:3

ki bi siab-i diŋŋi kii tee yadateenteeb, li want nan Yennu ki tee barmɔnii daanɔ amii?

Rom Teeb 4:16

Yennu mɔsonn na tee binba teenɔ yada na yare; u ninbatinu paak, ki u senn mɔsonn maŋ ki li set tee Abraham yaaboona kur yar, li ki tee a binba waa sennu na kuukɔɔ yar kaa, ŋaan binba kur teen Yennu yada kaman nan Abraham nba din teen biaŋinba, kimaan ŋɔɔ Abrahame tee ti kura baa

1 Korint teeb 1:12

Linba ki n yeen na tee a i siab yaa a bi tee Pɔɔl yabe, ki leeb mun yaa a bi tee Apolos yabe, ki siab mun bia yaa a bi tee Piita yabe, ki yemm mun yaa a bi tee Masia yabe.

1 Korint teeb 10:19

Ma yeen linba na, li wann nan patir nan li nant nba ki bi mann na, li mɔk nyɔɔtii? Aaii, li ki mɔk nyɔɔti.

1 Korint teeb 15:50

N naa waas, n beerie nan gbanant nba tee nant nan sɔn na kan fit kɔɔ Yendɔuŋ ni; ki gbanant nba pɔɔk kan fit la manfoor nba kaa gbennu.

2 Korint teeb 1:20

Kimaan ŋɔɔe tee “Nn” Yennu mɔsona kur ni. Linba na paake te ki ti yet a “Mɔmɔmm” Yisa Masia ni, ki li dont Yennu sann.

Efesus teeb 2:12

I din ki mi Masia li yoo. I din tee saamme ki bi ki kaani ki pukinti Yennu nigannkab ni. I din ki mi Yennu tingbouŋ na ni, ki bia din ki mɔk dindann, kimaan wa din tur u niib mɔsona nba i din ki pukin li ni;