Rom Teeb 15:2 - Yennu Gbounpaauŋ Mɔɔr

² Ŋaant man ki ti kura baka-ii be ti naa waas paak ki sommib ki bin wei Yisa Masia sɔnu fanu.

Yennu Gbouŋ Mɔɔr

² Ŋaant man ki ti kura baka-ii be ti naa waas ni ki sommib ki bin wei Yiisa Masia sɔnu fanu.

Rom Teeb 15:2 ပူးပေါင်းရင်းမြစ်များ

Rom Teeb 14:19

Li paak, ŋaant man ki tin yabir ki tun linba baat nan parmaasir, nan linba sa somm ti leeb.

1 Korint teeb 10:23

Siab yeen a “Sɔnu be ki tin tun linba kur.” Mɔmɔmm; ŋaan bont kur kaa ŋani, bont kur kaa bia mɔk nyɔɔti.

1 Korint teeb 10:24

Daa dukii a mɔŋ kuukɔɔ po, ŋaan kii biakii dukii leeb po.

1 Korint teeb 10:33

Yii tuun man kaman nan ma tuun biaŋinba na; n loon ki n tun ki penn sɔɔ kur par bont kur ni; ŋaan li ki tee a n tuun linba ki n loon, amii linba ŋan ki turin kaa; ŋaan n tuun linba ŋan ki turibe, kimaan n loon ŋanne-n tinnib.

1 Korint teeb 13:5

U ki mɔk nyatuku; u mantik ki loon u mɔŋ nyɔɔt kuukɔɔ kaa; u ki dont wutoor yann yanni; u bia ki dukii bonbiir ki jiint biit biit paaki.

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

1 Korint teeb 14:3

ŋaan wunba sɔkint Yennu maan ki teen niib, u teemm paŋe, ki kɔɔntib para, ki bia teemm parpeenn.

2 Korint teeb 12:19

I dukii a ta piak na, ti loon ki ti nyinn ti mɔŋ barii niee? Li ki tee nna kaa. Ti be Yennu tɔɔnn poe, ki piak Masia nba loon biaŋinba. Ti naa walonkai, ti loon ki ti sommie ki i wei Yennu sɔnu fanu. Ŋanne te ki ti beeri.

2 Korint teeb 13:9

Li-i tee ki i mɔk paŋ ki tuun toona nba fan, ŋanne sa maŋ ti para ni, kimaan ti ki loon ki tin wanni ti paŋ kaa; li paak te ki ti mei Yennu ki teeni, a i ŋamm i binbeŋ.

Efesus teeb 4:12

U tun linba na a binba tee Yennu niib kura-n fit jaŋ u toona maŋe, ki chee Masiaweira.

Efesus teeb 4:29

I daa piak mɔbonbiit ki teen i leebi, ŋaan te ki i mɔbona-ii tee linba kpaa talas ki mɔk nyɔɔt, ki i leeb-i gbat, lin pukimm binbeŋ nba fan.