Rom Teeb 15:19 - Yennu Gbounpaauŋ Mɔɔr

¹⁹ Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

Yennu Gbouŋ Mɔɔr

¹⁹ Yennu Seyeeŋ paŋ nae te ki n tuun bakitnauŋ toona na, ŋanne te ki bi bann paŋ nba ki u mɔk. Ki n nyii Jerusalem ki lin doi ni ki tan baar Ilirikum tiŋ ni ki mɔɔntir Masia barŋanii na siar kur po.

Rom Teeb 15:19 ပူးပေါင်းရင်းမြစ်များ

Matiu 12:28

Ŋaan min ŋanin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan baar i boor niwa.

Jɔɔnn 4:48

Ki Yisa betɔ a “Li-i tee ki i ki la nyina nan bakitnauŋ toonjaanai kaa, i kan teenin yada.”

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 13:14

Ki bi saa tɔɔt ki nyii Pega, ki baar Antiok nba din be Pisidia tiŋ ni na. Ki foon daar ki bi saan kɔɔ Yenjiantu diiuk ni ki kar,

Toona 13:51

Ki toomiinba na din yet a “Ti nii nan ti taai na,” ŋaan yaat saan Ikonium.

Toona 14:10

Ki u yetɔ sanpaapowa a “Fiit ki set a taa paak.” Ki u tab naat ki fiir ki ji somm.

Toona 14:20

Ki Yisaweira baar ki set lintɔ; ki u tan fiir, ki ŋamm nan ŋɔɔ ŋmat doo na ni biak. Ki li yent sanyiɔk, ki Pɔɔl nan Banabas saan Debe ki saa mɔɔnt Yisa barŋanii na leŋ,

Toona 14:25

ki din pak Yisa maan leŋ ki fit lian yen sik Atalia.

Toona 14:6

ki bi ji tan bann nan bi yaa bin jaatib na, ki bi chiar saan Listra nan Debe, nan digbanbis nba kpia kpia, Likaonia yent ni.

Toona 15:12

Ŋanne ki Yisaweira na kura din ŋmin, ŋaan ji gbiintir Banabas nan Pɔɔl. Ki bi beerib bakitnauŋ toonjaana nba ki Yennu din tun namm ki tur boorganu na.

Toona 16:18

U din tian ki yikin nna ki li mann nan daa ŋaŋŋa nawa. Ŋanne ki Pɔɔl ji din tan miat nan u yikinii maŋ, ki jiant ki bet narinbiiuk nba be sapaamɔ maŋ ni na a “Yisa Masia sann ni, n tura mɔb, nyimin u ni!” Li taakpaak ni ki narinbiiuk na nyii u ni.

Toona 17:10

Nyiɔk nba tan bɔnn yoonba, ki Yisaweira chab Pɔɔl nan Sailas, ki bi saan Berea, ki saa baar kɔɔ Juu teeb jiantu diiuk ni.

Toona 17:15

Niib nba din chiant Pɔɔl na din saan nanɔ kaman nan Atens nawa, ki bi tan yaa bin ŋmat kun, ki Pɔɔl betib a bin saa bet Sailas nan Timoti a ki bin yabir ki baar yian yian na. Ki niib na ji din ŋmat kun Berea.

Toona 18:1

Li poorpoe ki Pɔɔl din nyii Atens ki saan Korint doo nba din be Akaya tiŋ ni na.

Toona 18:19

Ŋanne ki bi din saa ki saa baar Efesus, siaminba ki Prisila nan Akuila yaa bin biar na; ki Pɔɔl saan saa kɔɔ Juu teeb Yenjiantu diiuk ni, ki faa labaar nan Juu teeb maŋ, Yisa Masia po.

Toona 19:1

Apolos nba din daa be Korint na, ki Pɔɔl ŋarin din gar Galasia nan Frijia yaka po ki saan Efesus. Leŋe ki u din saa la Yisaweisiab,

Toona 20:20

Ki i bia mi nan ma din mɔɔntir Yennu maan, ki bia wanti niib ni nan i ŋei ni na, n din paki linba kur sa sommi, ki ki nyiki, ki bia ki tenn siari,

Toona 20:6

Jaamm nba ki bi din tuu di boroboro nba kaa datiŋ na dinu poorpoe, ki ti ji din kɔɔ ŋaruŋ, ki nyii Filipi, ki saa Troas. Ki daa ŋaŋŋmu daar ki ti baar bi boor Troas, ki biar leŋ ki jaŋ daa ŋannlore.

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 15:24

mɔtana n sa gɔniiwa; ki n gɔnu maŋ poorpo waaminna, n sii loon ki yin sommin ki n saan Speenn tiŋ ni.

1 Korint teeb 2:4

N ki pak labaar maŋ nan minu nba sa maŋ niib kaawa ki bin sak li, ŋaan n pake ki Yennu Seyeeŋ na wann u paŋ,

2 Korint teeb 12:12

Ma din be i boor ni ki tuun bakitnauŋ nyina nan toonjaana, ki di sukuru yoo kur na, ŋanne want nan n set tee Masia toomiie.

Galasia teeb 3:5

Ya din tuun sennu toona na paake te ki Yennu turi Seyeeŋ ki tuun yaarlituk toona i sinsuuk ni amii ya gbat barŋanii ki teen yada na paake?

Kolosa teeb 1:25

Ki Yennu nba turin toonn maŋ a n tun na, ŋɔɔe teenin Masia niib maŋ daabir i sommir paak, a niib-n bann Yennu barii maŋ mun.

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

2 Timoti 4:17

Ŋaan ti Yomdaanɔ daan be nanin ki turin paŋ ki n daan fit mɔn barŋanii maŋ kur ki tur binba ki tee Juu teeb na kura a bin gbat. Ŋɔɔe daan nyinnin yambɔr mɔb ni.

Hiibru teeb 2:4

ki Yennu nba din tuun bakitnauŋ nan yaarlituk toona nan nyina ki bia teemm u Seyeeŋ piinii u lomm ni biaŋinba na, u pukii u siara bi wannu maŋ paak.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.