Rom Teeb 15:16 - Yennu Gbounpaauŋ Mɔɔr

¹⁶ ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Yennu Gbouŋ Mɔɔr

¹⁶ ki te ki n tee Yiisa Masia toontunnɔ, a n mɔɔnt u barŋanii ki tur binba ki tee Juu teeb na, ki bi sii tee piinii ki teenɔ, ki u Seyeeŋ na saa te ki bin teen niŋamm ki penn u par.

Rom Teeb 15:16 ပူးပေါင်းရင်းမြစ်များ

Toona 13:2

Ki dasiar ki bi daa din be ki jiantir ti Yomdaanɔ ki lorin mɔi, ki Yennu Seyeeŋ tan betib a “Nyint Banabas nan Sɔɔl, ki bin tun toonn nba ki n yiimm a bin tun na.” Ki bi nyimm.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Toona 22:21

Ki ti Yomdaanɔ betin a ‘Finii saawa, a mine yaa n tuma niib nba be banfɔka ki ki tee Juu teeb na tinii ni.’ ”

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Rom Teeb 11:13

N piak ki teen yimm nba ki tee Juu teeb nee: Yennu nba te ki n tee Masia toomii i boor ni na, n sii mɔk yuugontir n toonn maŋ paak.

Rom Teeb 15:18

n loon ki n wanni toona nba ki Masia te ki n tun na, ŋaan n kan fit pak nisiab toona po; u te ki n mɔɔnt u labaar na ki tur binba ki tee Juu teeb, ki bia tun bakitnauŋ toona nba din te ki bi sak u mɔb.

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

Rom Teeb 15:20

Ŋanne ki n lin nan ninmɔnn ki mɔɔntir Masia barŋanii na ki teen niib nba ki mi gbati; n ki loon mii lin kii lei siaminba ki niib poŋ dɔŋ mɔɔnt leŋi,

Rom Teeb 15:29

N mi nan mi-i baar i boor, Masia sommir sii be ti ni bonchiann.

Rom Teeb 5:5

ki dindann maŋ ni ti tan kan di fei, kimaan Yennu jii loomm nba ki u mɔk na ki teen ti para ni, u Seyeeŋ nba ki u turit na paak.

1 Korint teeb 3:5

Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

1 Korint teeb 4:1

Ŋann amii, i jiit ki tii tee Masia toontunna nba ki Yennu jiit ki guunit u woonin ni maan na.

1 Korint teeb 6:19

I gbanant na tee Seyeeŋ nba ki i gaar Yennu boor na diiuko, ki u be i ni. I ki mi nnee-ee? I ki yen i mɔŋi, Yennue yeni;

2 Korint teeb 11:23

bi-i yi bi mɔŋ Masia toontunnaie, mine set tuun mantik; (n piak kaman nan jatuk nee; teentin gafara man!) mine set tun Masia toona nan barmɔnii bonchiann, ki kɔɔ dansarii bonchiann. Niib boon kpaasa bonchiann Masia paak. N din la nunbɔŋ ki din per kuuma.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsinba.

2 Korint teeb 8:5

Bi din tur ki li gar ta poŋ din dukii a bi sa tur biaŋinba. Sinsinn bi jii bi mɔŋe ki tur ti Yomdaanɔ, ki lian fit jii bi mɔŋ ki tur timm, Yennu loomm ni.

Galasia teeb 3:5

Ya din tuun sennu toona na paake te ki Yennu turi Seyeeŋ ki tuun yaarlituk toona i sinsuuk ni amii ya gbat barŋanii ki teen yada na paake?

Efesus teeb 2:18

Masia paake ki Juu teeb nan binba ki tee Juu teeb na kura fit baar ti Baa Yennu maŋ boor ni, u Seyeeŋ yenɔkɔɔ ni.

Efesus teeb 2:22

Yimm nan ŋɔɔ nba taan nan leeb na paak, ki yimm nan ŋamm mun bia taan teen diiuk nba tur Yennu ki u Seyeeŋ be i ni.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

Filipi teeb 2:17

Li-i tee ki n lu n miar na ki pukin fara nba ki n poŋ dii ma n te ki yin teen yada na, li bo sii manin, ki n bo sii mɔk parpeenn nan i kura.

Filipi teeb 4:18

N gaar i piinii na munna ki li jaŋŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir mane ki teen Yennu, ki penn u par ni, ki u gaarir.

1 Tesalonika teeb 2:2

I mi nan ta lek daa din be Filipi doo ni, ki bi dinnit fara nan fei biaŋinba, ki see ti paak bonchiann na, ŋaan ta din baar i boor ni, ti din mɔk parcheenn nba nyi Yennu boor ni nan tin mɔɔnt barŋanii maŋ turi.

1 Tesalonika teeb 2:9

Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

1 Timoti 1:11

ki Masia barŋanii nba wann Yennu nba ŋan bonchiann biaŋinba na mun wann nnee; ki ŋɔɔ Yennu din teen barŋanii maŋ n nuu ni ki n mɔɔntirir.

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

2 Timoti 1:11

Yennu poŋ din yiinin a n teen toomii nan wanntɔɔ ki mɔɔnt barŋanii maŋ.

Hiibru teeb 13:16

I daa nyikit toonŋana tumu, kii chentir ya mɔk linba nan i leeb. Li mannboorue pent Yennu par ni.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;