Rom Teeb 15:14 - Yennu Gbounpaauŋ Mɔɔr

¹⁴ N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

Yennu Gbouŋ Mɔɔr

¹⁴ N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

Rom Teeb 15:14 ပူးပေါင်းရင်းမြစ်များ

1 Korint teeb 1:5

kimaan i la bonsiar kur i pinpakit ni nan i minu ni u boore.

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

1 Korint teeb 8:1

Tɔn, ki jikit saa patmannu nant po, ti mi nan ti kur mɔk bannu, ki li set tee mɔnii. Bannu te ki nirɔ dont u mɔŋ, ŋaan loomm ŋanin sommit nirɔe Masia waanu ni.

1 Korint teeb 8:10

Ki wunba yada waar-i la yimm nba mɔk bannu na ki i be pochianfeek ni ki di, li sa te ki ŋɔɔ mun-n di nant nba tee pata yare.

1 Korint teeb 8:7

Sɔɔ kur kaa mɔk li yami. Siab mantik maan patmannu nant dinu ki yukir, li paak, bi-i dii li jeboorik, bi bia tuu daa dukiie nan nant maŋ set tee patir nante. Bi dudukit ki paari, ki bi dukii a li mɔk biit.

2 Korint teeb 8:7

Tɔn, i teen Yisa yada, ki mi u labaar fanu, ki fit piak leeb u mɔmaan, ki waau nan ninmɔnn, ki bia loonit; ya tuun linba na kur bonchiann na, ti loon ki yii tuun toonŋana maŋ mun nnee bonchiann.

Efesus teeb 5:9

kimaan linba tee barmɔnii nan yentinu nan toonŋana kura tee yentu yare.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

Kolosa teeb 3:16

Li kpaa talas ki Masia labaar na-ii be i para ni chib chib, kii want i leeb, kii bia kpaan i leeb nan i yan kur; kii yiin Yennu gbouŋ ni yanii, nan yenpaku yanii, nan Seyeeŋ yanii; kii yiin yanii kii teen Yennu nan niipoouk i para ni.

1 Tesalonika teeb 5:11

Li paak, yii kɔɔnt i leeb para ki somm i leeb kaman nan ya tuun biaŋinba mɔtana na.

1 Tesalonika teeb 5:14

Ti naa waas, ti barimiie a yi kpaan gbannyakdamm, ki maŋ jaŋmaandamm para, ki somm tarii, ki di sukuru nan sɔɔ kura.

2 Tesalonika teeb 1:11

Li paake ki ti mei Yennu yoo kur ki teeni. Ti meiɔ a wun te ki yin jaŋ nan manfoor nba ki u din ganni a i taŋŋi be leŋ na nie. Ti meiɔ a wun jii u paŋ ki te ki yii tuun toonŋana kur nba ki i loon a i tuun na, ki gbenn toona kur nba ki i tuun i yada paak na.

2 Timoti 1:5

N tian fa teen Yisa Masia yada nan barmɔnii biaŋinba; ki a yaa Lois nan a naa Yunis mun poŋ din teenɔ yadawa. N ki mɔk birsuk nan a mun bia teenɔ yada.

Filemonn 1:21

N sɔbin gbouŋ maŋ ki teena, ki ki mɔk birsuk nan a sa sak tun ki lin gar ma beta linba na kura.

Hiibru teeb 5:12

Nna yoo li ji bo kpaa talase ki yii tee wannteeb, ŋaan i bia loon ki sɔɔ-n wanni Yennu mɔmaan pinpiik ni sɔnii na. I bia daa ŋan nan biime, i ki jaŋ nan jeŋmankati,

Hiibru teeb 6:9

Ti naa walonkai, ta lek piak linba na, ŋaan ti ki mɔk birsuk i po. Ti mi nan i yare tee linba chee ki bia tee tinnu yar.

2 Piita 1:12

Li paak, n sii yɔɔ ki tiani labaar na poe yoo kur; ŋaan n lek mi nan i poŋ gbatira, ki mir fanu, ki diar chimm;

1 Jɔɔnn 2:21

Tɔn, li ki tee a i ki mi wannu nba took kaa te ki n sɔbin ki teeni na, ŋaan li tee ya poŋ mi wannu maŋ na paak, ki bia mun mi nan faak wannu fɔk nan barmɔnii wannu.