Rom Teeb 14:9 - Yennu Gbounpaauŋ Mɔɔr

⁹ Masia din kpo ki bia fiir kuun ni a wun teen footib nan kpeemm Yomdaanɔ.

Yennu Gbouŋ Mɔɔr

⁹ Masia din kpo ki bia fiir kuun ni a wun teen footib nan kpeemm Yomdaanɔe.

Rom Teeb 14:9 ပူးပေါင်းရင်းမြစ်များ

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Barŋanii nba ki LUK din sɔb nae na 24:26

Li teen talas nan Yennu Niganntɔɔ Masia-n di fara maŋ, ki tan la u baakir.”

Jɔɔnn 12:24

Barmɔniie ki n beeri na, li-i tee ki bi bur dibinn tiŋ ni, li tuu piae, ŋaan ki dibinn na-n kpo. Li poorpo dibinn na-n kpaat, ŋanne ji tuu te ki lin nan dii bonchiann. Ŋaan li-i tee ki bi ki bur dibinn maŋ, li kan kpo, ki bia kan nan; li sii tee dibinyenne.

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 10:42

Ki u chabit mɔb a tii mɔɔntir kii teen niib Yennu barŋanii, a kii beerib nan nunmɔnn a Yisae tee daanɔ nba ki Yennu nyinn sennɔ a wuu tee footib nan kpeemm barbuurɔ.

Rom Teeb 10:9

Li-i tee ki a set pak ki kat nyinn a mɔb ni ki yet a Yisa tee a Yomdaanɔ, ki bia teen yada a par ni nan Yennu set fiinɔ kuun ni, Yennu sa tinnawa.

2 Korint teeb 5:14

Masia loommu diat; ta ji bann nan ŋɔɔ niyenɔkɔɔe din gaar sɔɔ kur paak ki kpo na, li want nan sɔɔ kur din kpo nanɔe.

1 Tesalonika teeb 4:14

Ti teen yada nan Yisa din kpo ŋaan bia fiir kuun niwa; li paak, ki ti bia teen yada nan Yennu tan sa te ki Yisa-n jen nan u weira nba din kpo na.

1 Tesalonika teeb 5:10

ŋɔɔe din gaar ti paak ki kpo, a ti-i lekii kpo amii ti-i be u jenu yoo maŋ, timm nan ŋɔɔ-n tan taan kii be.

2 Timoti 4:1

Yisa Masia nba tan sa bu footib nan kpeemm buut, wunba tan sa jen ki di naan na, ŋɔɔ nan Yennu tɔɔnn po ki n beera,

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Piita 4:5

Ŋaan bi tan sa bu bi mɔŋ buut ki tur Yennu nba teen siir ki sa bu footib nan kpeemm buut na.

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;

Fiitu 2:8

Ki wunba ki n lau na bia betin a n sɔb labaar na ki tur u weira nba lakin be Simirna doo ni na malaka a “Labaar na nyii wunba tee bont kura pinpiik nan li gbennu na boor ni; ŋɔɔe din kpo ki tan bia fiir kuun ni na;