Rom Teeb 14:2 - Yennu Gbounpaauŋ Mɔɔr

² Sɔɔ yadae te ki u di jeet kur, ki wunba yada ki paar na mun kɔɔ nant ŋmamu.

Yennu Gbouŋ Mɔɔr

² Sɔɔ yadae te ki u di jeet kur, ki wunba yada ki paar na mun kɔɔ nant.

Rom Teeb 14:2 ပူးပေါင်းရင်းမြစ်များ

Rom Teeb 14:1

Gaat man yadakanpɔɔna damm na, ŋaan daa nɔi namm mɔniɔk bi yada ni.

Rom Teeb 14:14

Min nan ti Yomdaanɔ Yisa nba taan leeb ki ji tee niyenɔ na, ŋanne te ki n bann nan jeet kaa ki kɔɔ. Ŋaan sɔɔ-i dukin nan jesiat kɔɔ, ŋann ŋanin li kɔɔ u boor.

Rom Teeb 14:20

I mi ki a biir Yennu toona, jeet paak. Jeet kur ŋane, ŋaan li ki ŋan ki a di jeet nba sa te ki a naa bik-n baa.

Rom Teeb 15:1

Timm nba ki ti yada chee na, li ŋan ki tii mɔk sukuru ki somm ti leeb nba yada daa ki chee na, ki daa tuun ti mɔŋ loomm kuukɔɔ kaa.

1 Korint teeb 10:25

Yi ŋman nant nba ki bi kɔi daak ni, ŋaan daa boi ki laan bee nantee, ki daa ŋaant ki li daama a dudukit ni,

1 Korint teeb 8:9

I mi man, li pasiar yin tan jii i yaak na ki lin kpant baruk ki tur niib nba yada waar na ni.

1 Korint teeb 9:22

Binba yada waar na ki n kpint ki teen kaman nan bi yenɔ na a bin tinn. N lebit n mɔŋ bonsiar kur ni ki tur niib kur ki loon bi siab-n tinn.

Galasia teeb 2:12

Jems din tun Juu tesiab Antiok doo ni. Ba din daa ki baar yoonba na, Piita nan binba ki tee Juu teeb din lakin di jeet, ŋaan ba tan baar yoonba ki u ji ki sak a u sa di nammi, kimaan u din tiin niib nba teen punkokitu yada nee.

1 Timoti 4:4

Bonsiar kur nba ki Yennu din nan na ŋan ki tee jeete; ti-i turɔ niipoouk li paak ki di, li ŋan nan dinu; ti daa yêen li siari,

Taitus 1:15

Popeendamm boor ni, bonsiar kur yeene; ŋaan biitdamm nba ki teen Masia yada na, bonsiar ki yeen bi boori, kimaan bi dudukit nan bi yan ni ki yeeni.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

Hiibru teeb 9:10

kimaan ŋann din tuu tee jeet nan bonnyunyuut nba kɔɔ nan linba ki kɔɔ na po, nan gbanant ŋammu po. Linba na kur din tee gbanant senniie a bii waa-r mɔkmɔk nan yoo nba ki Yennu tan sa senn u sennpaanu.