Rom Teeb 14:18 - Yennu Gbounpaauŋ Mɔɔr

¹⁸ Wunba waa Masia nna, Yennu sii mɔk parpeenn nan li daanɔ, ki niib bia sii teeu nibaakir.

Yennu Gbouŋ Mɔɔr

¹⁸ Wunba waa Masia nna, Yennu sii mɔk parpeenn nanɔ, ki niib bia teenɔ baakir.

Rom Teeb 14:18 ပူးပေါင်းရင်းမြစ်များ

Barŋanii nba ki MAK din sɔb nae na 13:34

Li tan sii tee kaman nan jasɔɔ nba yaa wun nyi u ŋaak ni ki yaatir saa sɔnbanfɔkir, ki chab u ŋaajab yaak a bii dia u ŋaak, ki bia chent bi kura toona, ŋaan bet u ŋaguurɔɔ a wun guu, ŋaan saan.

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Toona 10:35

ŋaan nibooru kur ni, daansɔɔ nba jiantirɔ ki bia teenɔ nibaakir, ki bia tee popeendaanɔ, ŋɔɔe ŋan nan Yennu.

Rom Teeb 12:11

kii tee nikakitii, ki daa tiin gbannyakiri, ŋaan kii tuun ti Yomdaanɔ toona nan i para kura,

Rom Teeb 14:4

Ki a tee ŋmee ki sa biir sɔɔ toontunnɔ? Li tee u mɔŋ Yudaanɔ nee sa yet wa dii nan wa baa, ki u set sa diwa kimaan ti Yomdaanɔ mɔk paŋ nba sa te ki wun di.

Rom Teeb 16:18

li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

1 Korint teeb 7:22

Wunba poŋ tuu tee daabir yoo nba ki u teen Masiaweirɔ na, u ji tee ti Yomdaanɔ yɔɔe; nnee mun, li-i tee ki a yen a mɔŋ yoo nba ki a teen Masiaweirɔ na, a ji tee Masia daabire.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

2 Korint teeb 5:11

Ta tiin ti Yomdaanɔ biaŋinba na, li paak ki ti daak niib. Yennu mi ti binbeŋ nba be biaŋinba; ki n mɔk dindann nan i mun bia mi i para ni nan n binbeŋ nba be biaŋinba.

2 Korint teeb 5:9

Li paak, ti-i be tingbouŋ na ni, amii ti-i taŋŋi be u boor ni, ti ninbinn mɔn a ti penn u par nie.

2 Korint teeb 6:4

Ti binbeŋ nba tee biaŋinba nae want niib nan ti set tee Yennu toontunnae, kimaan ti laat fara, nan muksuk, nan maan, ŋaan lek di sukuru li kur na ni.

2 Korint teeb 8:21

Ti Yomdaanɔ mi nan ti tuun nnee nan li sɔnu, ki ti loon ki niib-n mun bann nan ti set tuun nan li sɔnue.

Filipi teeb 4:18

N gaar i piinii na munna ki li jaŋŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir mane ki teen Yennu, ki penn u par ni, ki u gaarir.

Filipi teeb 4:8

N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

Kolosa teeb 3:24

Yi tian man nan ti Yomdaanɔ maŋ tan sa turi nyɔɔt nba tee u niib yar sanpaapo, kimaan Masia tee barmɔnii Yomdaanɔ ki i tuun teenɔ.

1 Timoti 2:3

Ŋanne ŋan ki pent ti Tinntɔɔ Yennu par ni;

1 Timoti 5:4

ŋaan pakɔsɔɔ nba mɔk waas amii yaaboona, u waas amii yaaboona maŋ-n piin ki tumii bi yentinu toona nba tee linba ki tur bi mɔŋ ŋei ni, nnee ki bi damm mun sa di bi niwubit nyɔɔt, kimaan linba ki Yennu loone na.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 2:20

ŋaan fi-i tun biit ki bi dat a tubir, ki a gaar tubdatu na soonna, nlee ki bi sa pakani? Ŋaan fi-i tun linba ŋan ki gaar tubdatu li paak soonna, nee sa penn Yennu par.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.